গুৱাহাটী,31 মাৰ্চঃ কৰ’ণা ভাইৰাছৰ আতংকৰ বাবে বহিঃৰাজ্যত কাম কৰা অসমৰ একাংশ লোক ঘৰলৈ ঘূৰি আহিল যদিয়ো একাংশ লোক সম্প্ৰতি আৱদ্ধ হৈ আছে বহিঃৰাজ্যত । ফলত অন্ন,আশ্ৰয়ৰ সমস্যাকে ধৰি বিভিন্ন সমস্যাৰ সন্মুখীন হৈছে উক্ত লোকসকল । কৰ্মহীন হোৱাৰ ফলত ব্যাপক আৰ্থিক সংকটৰো সন্মুখীন হৈছে লোকসকল । সম্প্ৰতি এইসকল লোকক সহায় কৰাৰ বাবে চৰকাৰক আহ্বান জনাইছে প্ৰদেশ কংগ্ৰেছৰ সভাপতি ৰিপুণ বৰাই ।
চৰকাৰলৈ ৰিপুণ বৰাৰ আহ্বান
বৰাই কয়,"অসম চৰকাৰে অনতিপলমে দায়িত্ব সহকাৰে এই লোকসকলৰ প্ৰতি সহায়ৰ হাত আগবঢ়াব লাগে । আমি প্ৰদেশ কংগ্ৰেছৰ হৈ বিভিন্ন ৰাজ্যৰ শাসনাধিষ্ঠিত চৰকাৰ,কংগ্ৰেছ নেতা আদিৰ সৈতে অহৰহ যোগাযোগ ৰক্ষা কৰি কৰিছো আৰু অসমৰ লোকসকলে যাতে কোনোধৰণৰ সমস্যাত নপৰে সেয়া সুনিশ্চিত কৰিবলৈ অনুৰোধ জনাইছো"৷
লগতে চাওকঃ লখিমপুৰৰ পাঁচজন লোক কৰ’ণা ভাইৰাছত আক্ৰান্তৰ সন্দেহ !
