অনিল বৰগোহাঁইৰ ওপৰত আক্ৰমণঃ কংগ্ৰেছৰ গৰিহণা

দুৰ্গাদাস বড়োৱে কয় যে এই ঘটনাৰ লগত বিজেপিৰ গুণ্ডাবাহিনী জড়িত আছে ৷ পৰাজয়ৰ ভয়ত বিজেপিয়ে গুণ্ডাগিৰিৰ আশ্ৰয় লোৱা বুলি অভিযোগ উত্থাপন কৰে বড়োৱে ৷ একেদৰে আক্ৰমণৰ ঘটনাক নিন্দা কৰিছে লখিমপুৰ জিলা কংগ্ৰেছৰ সভাপতি জয়প্ৰকাশ দাসে

গুৱাহাটী, লখিমপুৰ, 6 এপ্ৰিলঃ লখিমপুৰৰ কংগ্ৰেছ প্ৰাৰ্থী অনিল বৰগোহাঁইৰ ওপৰত সংঘটিত আক্ৰমণৰ ঘটনাক গৰিহণা দিছে অসম প্ৰদেশ কংগ্ৰেছ কমিটীয়ে ৷ শনিবাৰে গুৱাহাটীৰ ৰাজীৱ ভৱনত এক সংবাদমেলৰ আয়োজন কৰি দলটোৰ মুখপাত্ৰ দুৰ্গাদাস বড়োৱে কয় যে এই ঘটনাৰ লগত বিজেপিৰ গুণ্ডাবাহিনী জড়িত আছে ৷ পৰাজয়ৰ ভয়ত বিজেপিয়ে গুণ্ডাগিৰিৰ আশ্ৰয় লোৱা বুলি অভিযোগ উত্থাপন কৰে বড়োৱে ৷