মাজুলি, 30 এপ্ৰিল : প্ৰতিদিনাই অচিন ৰোগত আক্ৰান্ত হৈ মৃত্যু মুখত পৰিছে ৰাজ্যৰ বহু শতাধিক গাহৰি ৷ মাজুলিতো প্ৰায় তিনি হাজাৰৰো অধিক গাহৰি অচিন ৰোগত আক্ৰান্ত হৈ মৃত্যু মুখত পৰিছে ৷ এক চৰকাৰী তথ্য অনুসৰি মাজুলীত প্ৰায় 34,347 টা গাহৰি আছে যদিও মাত্ৰ ২১ হাজাৰ গাহৰিক হে বৰ্তমানলৈ প্ৰতিষেধক প্ৰদান কৰিবলৈ সক্ষম হৈছে পশুপালন বিভাগে ৷ বিভাগীয় মন্ত্ৰী অতুল বৰাই বৃহস্পতিবাৰে মাজুলিত উপস্থিত হৈ জানিবলৈ দিয়া অনুসৰি গুৱাহাটীৰ লে'বত এই অচিন ৰোগটো আফ্ৰিকান ছোৱাইন ফিভাৰ বুলি জানিব পৰা গৈছে ৷
কিন্তু ভূপালত মৃত গাহৰিৰ চেম্পল টেষ্টৰ পিছত হে প্ৰকৃত তথ্য লাভ কৰিব বুলি মন্ত্ৰী গৰাকীয়ে সংবাদ মাধ্যমৰ আগত জানিব দিয়ে ৷ আনহাতে মন্ত্ৰী গৰাকীয়ে জনোৱা অনুসৰি লক-ডাউনৰ বাবে ৰাজ্যৰ কৃষি ক্ষেত্ৰত প্ৰায় 40 কোটি টকা লোকচানৰ সন্মুখীন হোৱাৰ পিছত পুনৰবাৰ অচিন ৰোগে জুৰুলা কৰিব গাহৰি পালকক ৷ যদিহে ভূপালৰ টেষ্টৰ পিছত আফ্ৰিকান ফিভাৰ ৰোগ হোৱাটো সত্য হয় তেতিয়াহলে ভগৱানেই একমাত্ৰ ভৰষা হ'ব বুলি মন্ত্ৰী গৰাকীয়ে জানিব দিয়ে ৷
লগতে পঢ়ক : বিজেপিৰে মিত্ৰতা সন্দৰ্ভত হাগ্ৰামা মহিলাৰীৰ বিস্ফোৰক টুইট
