যোৰহাট,19জুনঃ বুধবাৰে যোৰহাটত আৰক্ষীৰ বিৰুদ্ধে প্ৰতিবাদত নামিল একাংশ মহিলা ৷ 'অসম পুলিচ মুৰ্দাবাদ ধ্বনিৰে উত্তাল হ'ল যোৰহাট আৰক্ষী অধীক্ষকৰ কাৰ্যালয় ৷ কিছুদিন পূৰ্বে হোৱা চুৰি ঘটনাৰ উচিত তদন্ত বিচাৰি আৰু আৰক্ষীৰ হেমাহিৰ বিৰুদ্ধে প্ৰতিবাদত ৰাজপথলৈ ওলাই আহিল এইসকল মহিলা ।
যোৰহাটত আৰক্ষীৰ বিৰুদ্ধে মহিলাৰ প্ৰতিবাদ
উল্লেখ্য যে যোৱা ৮ জুন তাৰিখৰ নিশা যোৰহাটৰ বালিগাঁও অঞ্চলত গাঁৱত ভাওনা হোৱাৰ সুযোগতে চোৰে লুটি নিয়ে ৫ টাকৈ পৰিয়ালৰ সম্পত্তি, নগদ ৭ লাখ টকা আৰু বিভিন্ন সা-সম্পত্তি ৷ ইতিমধ্যে এই সন্দৰ্ভত আৰক্ষীয়ে ৩ টাকৈ চোৰক কৰায়ত্ত কৰিছে । কিন্তু বৃহত্তৰ বালিগাঁও বাসীৰ দাবী আৰক্ষীয়ে উপযুক্ত তদন্ত কৰা নাই, যাৰফলত এতিয়াও 1 টা চোৰক গ্ৰেপ্তাৰ কৰিবলৈ সক্ষম হোৱা নাই । যাৰবাবে বুধবাৰে বৃহত্তৰ বালিগাঁৱৰ শতাধিক মহিলাই আৰক্ষী অধীক্ষকৰ কাৰ্যালয় ঘেৰাও কৰি উচিত তদন্তৰ দাবী উত্থাপন কৰে ।
