যোৰহাট, 30 মাৰ্চঃ লোকসভা নিৰ্বাচনৰ ধামমুখীয়া পৰিৱেশৰ মাজতে সংগোপনে আহিল অসমীয়াৰ বাপতি সাহোন ৰঙালী বিহু ৷ গছে কুঁহিপাত আৰু বিৰিখে বিৰিখে কপৌ ফুলি বসন্তৰ আগমনে দিলে ব'হাগৰ বতৰা ৷ হেপাঁহৰ ৰঙালী বিহুলৈ মাজত মাথো কেইটামান দিন ৷ ঋতুৰ শ্ৰেষ্ঠ বসন্তৰ আগমনৰ বতৰা লৈ যোৰহাট ৰঙাজানৰ মিঠু গগৈ নামৰ ব্যক্তিজনৰ প্ৰচেষ্টাত ফুলিল 250 বিধ প্ৰজাতিৰ কপৌফুল ৷ বিশ্বৰ অনেক ফুলৰ মাজত সুকীয়াৰূপে পৰিচিত 8500 জোপা কপৌফুল সংৰক্ষণ ব্যৱস্থাৰ ওপৰত গুৰুত্বপূৰ্ণ ভূমিকা গ্ৰহণ কৰি মিঠু গগৈয়ে দাঙি ধৰিছে প্ৰকৃতিপ্ৰেমৰ এক অনন্য নিদৰ্শন ৷ সৌন্দৰ্য পিপাসু অসমীয়াৰ জন-জীৱনত কপৌফুলৰ স্থান সুকীয়া ৷ অসমীয়াৰ স্বাভিমান ব'হাগৰ লগত এৰিব নোৱাৰা সম্পৰ্ক থকা কপৌফুলৰ সংৰক্ষণে অসমীয়ালৈ কঢ়িয়াই আনিছেগৌৰৱোজ্জ্বল ভবিষ্যৎ৷
যোৰহাটত যুৱকৰ প্ৰচেষ্টাত ফুলিল 8500 জোপা কপৌ
