আন্তঃজিলা বাছ সেৱা মুকলি কৰাৰ দাবীৰে যোৰহাটত অভিনৱ প্ৰতিবাদ

যোৱা 17 আগষ্টত ৰাজ্য চৰকাৰে ঘোষণা কৰা নতুন SOP ত বহু দিশত শিথিলতা প্ৰদান কৰা হৈছে যদিও আন্তঃজিলা বাছ সেৱাৰ ক্ষেত্ৰত চৰকাৰে প্ৰদান নকৰিলে কোনো নিৰ্দেশনা ৷ যাৰ বাবে বিপাঙত পৰিছে ৰাজ্যৰ বাছ মালিক তথা কৰ্মচৰী সকলে ৷ যাৰ বাবে ৰাজ্যৰ ঠায়ে ঠায়ে সাব্যস্ত হৈছে তীব্ৰ প্ৰতিবাদ ৷

যোৰহাট, 18 আগষ্ট : ৰাজ্য চৰকাৰে শেহতীয়াকৈ প্ৰকাশ কৰা নতুন ক'ভিড SOP সন্দৰ্ভত তীব্ৰ অসন্তুষ্টি প্ৰকাশ কৰিছে ৰাজ্যৰ বিভিন্ন প্ৰান্তৰ বে-চৰকাৰী পৰিবহন সন্থাৰ কৰ্মীসকলে ৷ আন্তঃজিলাৰ যাতায়ত ব্যৱস্থাৰ ক্ষেত্ৰত শিথিলতা প্ৰদান কৰা হৈছে যদিও আন্তঃজিলা বাছ সেৱা বন্ধ ঘোষণা কৰিলে চৰকাৰে ৷ যাৰ পৰিপেক্ষিতত বুধবাৰৰ দিনটোত ৰাজ্যৰ বিভিন্ন প্ৰান্তত প্ৰতিবাদ সাব্যস্ত কৰে একাংশ বাছৰ মালিক-কৰ্মচাৰীয়ে৷ সমান্তৰালকৈ যোৰহাটতো প্ৰতিবাদ সাব্যস্ত কৰিলে একাংশ বাছৰ মালিক-কৰ্মচাৰীয়ে ৷

আন্তঃজিলা বাছ সেৱাৰ ক্ষেত্ৰত নিষেধাজ্ঞা বাহাল ৰখাৰ বিৰুদ্ধে বুধবাৰে যোৰহাটত মাক্স পৰিধান নকৰি প্ৰতিবাদ সাব্যস্ত কৰিলে জিলা খনৰ বাছ মালিক,চালক আৰু পৰিচালক সকলে ৷ যোৰহাট জিলা আন্তঃৰাজ্যিক বাছ পৰিবহন আস্থানত অতি অভিনৱ প্ৰতিবাদী কাৰ্যসূচী ৰূপায়ন কৰে এই সকল বাছৰ মালিক-কৰ্মচাৰীয়ে ৷

অতি শীঘ্ৰে এই সন্দৰ্ভত উপযুক্ত সিদ্ধান্ত গ্ৰহণ কৰিবলৈ আহ্বান জনাইছে প্ৰতিবাদকাৰী সকলে ৷ মূলতঃ মুখ্যমন্ত্ৰী ড৹ হিমন্ত বিশ্ব শৰ্মাক কাতৰ আহ্বান জনাইছে প্ৰতিবাদকাৰী সকলে ৷

উল্লেখ্য যে, বিগত প্ৰায় 3 মাহ ধৰি আন্তঃজিলা বাছ সেৱাৰ ক্ষেত্ৰত চৰকাৰে নিষেধাজ্ঞা জাৰি কৰি থোৱাৰ বাবে পানীত হাঁহ নচৰা অৱস্থা হৈছে ৰাজ্যৰ হাজাৰ হাজাৰ বে-চৰকাৰী বাছ চালক-পৰিচালকৰ ৷ কিন্তু এই সন্দৰ্ভত কোনো কাণসাৰ নাই চৰকাৰৰ ৷

যদি ৰাজ্য চৰকাৰে এই ক্ষেত্ৰত এক সুদীৰ্ঘ চিন্তা নকৰে তেনেহলে অনাগত দিনত ব্যাপক প্ৰতিবাদৰ ফলত জীয়াতু ভুগিব লাগিব সাধাৰণ জনতাই ৷ যদি ৰাজ্য চৰকাৰে এই ক্ষেত্ৰত এক সুদীৰ্ঘ চিন্তা নকৰে তেনেহলে অনাগত দিনত ব্যাপক প্ৰতিবাদ ৰ ফলত জিয়াটো ভুগিব লাগিব সাধাৰণ জনতাই ৷

লগতে পঢ়কঃ বাছ সেৱা মুকলি কৰাৰ দাবীত তেজপুৰত উত্তাল প্ৰতিবাদ