হোজাই,20মে': "মই আৱেগিক মানুহ, প্ৰয়োজন হ'লে গুৱাহাটীৰ পৰা হোজাইত দুৰ্নীতিত লিপ্ত হৈ থকা বিজেপি দলৰ নেতা জনৰ নাম ৰাজহুৱা কৰিম ৷ " আজি হোজাইৰ লংকাৰ 8নং ৱাৰ্ডত দৰিদ্ৰ লোকসকলৰ মাজত খাদ্য সামগ্ৰী বিতৰণৰ বাবে উপস্থিত থাকি সাংবাদিকৰ সমুখত এইদৰে মন্তব্য প্ৰকাশ কৰে হোজাই সমষ্টিৰ বিধায়ক শিলাদিত্য দেৱে ৷ ইয়াৰ লগতে আগন্তুক দিনত দুৰ্নীতিত লিপ্ত হৈ থকা ব্যক্তিৰ বিৰুদ্ধে এজাহাৰ দিয়া হ'ব বুলিও কয় বিধায়কগৰাকীয়ে ৷ ইপিনে, বিধায়কগৰাকীয়ে বিগত 5বছৰত তেওঁ কৰা কামৰ খতিয়ান ডিচেম্বৰ -জানুৱাৰী মাহত সমষ্টিবাসীক দিয়া হ'ব বুলি সাংবাদিকক জানিবলৈ দিয়ে ৷ আনহাতে আগন্তুক নিৰ্বাচনত বিধায়ক পদৰ বাবে কোনো লালসা নাই বুলি কৈ দলে টিকট নিদিলেও বিজেপি দলৰ কৰ্মী হৈ কাম কৰি যাব বুলি কয় বিধায়কগৰাকীয়ে৷
উল্লেখযোগ্য যে, কিছুদিন পূৰ্বে ধৰ্ষণৰ অভিযোগত গ্ৰেপ্তাৰ হোৱা হোজাইৰ সংখ্যালঘু মৰ্চাৰ সভাপতি কমৰুল হক চৌধুৰী সন্দৰ্ভত বিধায়কগৰাকীয়ে দলীয় কৰ্মীসকলে তেনে লোকৰ খবৰ ল'বলৈ যোৱাটো অনুচিত বুলি মন্তব্য কৰে ৷
লগতে পঢ়কঃকোন দিশে "আমাজন অফ ইষ্ট" দিহিং-পাটকাই বৰ্ষাৰণ্যৰ ভৱিষ্যৎ !
