হোজাই, ২৩ জুলাই : হোজাইত ৰাইজৰ নিদ্ৰা হৰিছে গৰু চোৰে । আৰক্ষীৰ চকুত ধূলি দি চহৰখনৰ মাজেদি দৈনিক চুৰি গৰু সৰবৰাহ কৰি আহিছে চুৰি-চক্ৰই । মঙ্গলবাৰে অৱশ্যে চকু মুদি আৰু বহি থাকিব নোৱাৰিলে আৰক্ষীয়ে । এক গোপন সূত্ৰৰ পম খেদি মোৰাঝাৰ পদুমপুখুৰীৰ পৰা এখন চোৰাং গৰু ভৰ্তি এখন ট্ৰাক জব্দ কৰে মোৰাঝাৰ আৰক্ষীয়ে । অভিযানত বাহাৰ উদ্দীন আৰু মুফিদুল হক নামৰ দুটা কুখ্যাত গাড়ী চোৰক গ্ৰেপ্তাৰ কৰে আৰক্ষীয়ে । জব্দ হোৱা ট্ৰাকখনৰ নম্বৰ AS-০১JC-৩৯৮১ । ঘটনা সন্দৰ্ভত আৰক্ষীয়ে 295/19 নম্বৰৰ গোচৰ পঞ্জীয়ন কৰি আটকাধীন চোৰ দুটাক ইতিমধ্যে জেললৈ প্ৰেৰণ কৰিছে । এতিয়া ৰাইজৰ মনত এটাই প্ৰশ্ন এনে দৰে বহু দিনৰ পাছে পাছে অভিযান চলাই আৰক্ষীয়ে সামৰিব নেকি দায়িত্ব? পৰৱৰ্তী সময়ত সেয়া লক্ষণীয় হ’ব ।
আৰক্ষীৰ জালত গাড়ীসহ গৰু চোৰ
