হোজাইত নদীত গা ধুবলৈ গৈ সলিল সমাধি দুই কিশোৰ

লংকাৰ খেৰণীৰ পৰা বিয়া খাবলৈ আহি শুকুৰবাৰে তিনি কিশোৰ ক্ৰমে-বিজয় চৌহান (১২), ধনঞ্জয় চৌহান (১৩) আৰু সঞ্জয় চৌহান (১৫) য়ে দুপৰীয়া কপিলী নদীত গা ধুই থকা অৱস্থাত পানীৰ সোঁতে উটুৱাই নিয়ে ৷

হোজাই,30 এপ্ৰিল : হোজাইত নদীত গা ধুবলৈ গৈ সলিল সমাধি দুই কিশোৰৰ । হোজাই দুই নম্বৰ কনাবালিত সংঘটিত হৈছে এই হৃদয় বিদাৰক ঘটনা। জানিব পৰা মতে, কপিলী নদীত গা ধুবলৈ গৈ দুই কিশোৰ সলিল সমাধি ঘটে। উল্লেখযোগ্য যে, লংকাৰ খেৰণীৰ পৰা বিয়া খাবলৈ আহি শুকুৰবাৰে তিনি কিশোৰ ক্ৰমে-বিজয় চৌহান (১২), ধনঞ্জয় চৌহান (১৩) আৰু সঞ্জয় চৌহানে (১৫) দুপৰীয়া কপিলী নদীত গা ধুই থকা অৱস্থাত সোঁতে উটুৱাই নিয়ে ৷

ইপিনে যদিও স্থানীয় এজন যুৱকে বিজয় চৌহানক উদ্ধাৰ কৰিবলৈ সক্ষম হয় যদিও আন দুজন শিশুক পানীৰ সোঁতে উটুৱাই নিয়ে । সম্প্ৰতি ঘটনাস্থলীত হোজাই আৰক্ষী আৰু SDRF বাহিনী উপস্থিত হৈ শিশু দুটাক উদ্ধাৰ কৰিবলৈ চেষ্টা অব্যাহত ৰাখিছে ৷

লগতে পঢ়কঃ ১ মে'ত অসমৰ ১৮ বছৰ উৰ্ধৰ লোকে নাপাব প্ৰতিষেধক