হাইলাকান্দি, 24 জুনঃ হাইলাকান্দিত কৃষক মুক্তি সংগ্ৰাম সমিতিৰ প্ৰতিবাদ ৷ বিদ্যুৎ সংযোগ লাভ নকৰা বাবেই প্ৰতিবাদ সাব্যস্ত কৰে হাইলাকান্দি আলগাপুৰ সমষ্টিৰ মোহনপুৰ ব্ৰনিব্ৰীজ আৰ এ গাঁওবাসীয়ে ৷ স্বাধীনতাৰ 70 বছৰৰ পাছতো বিদ্যুৎ সংযোগ লাভ নকৰাত ক্ষোভিত হৈ পৰিছে গাঁওবাসী ৷ যাৰ পৰিপ্ৰেক্ষিতত সোমবাৰে কৃষক মুক্তি সংগ্ৰাম সমিতিয়ে হাইলাকান্দি জিলাৰ শক্তি বিভাগৰ কাৰ্যালয় ঘেৰাও কৰি প্ৰতিবাদ সাব্যস্ত কৰে ৷ প্ৰতিবাদকাৰী সকলে শক্তি বিভাগ হায় হায়, শক্তি মন্ত্ৰী মূৰ্দাবাদ আদি বিভিন্ন শ্ল'গানেৰে পৰিৱেশ উত্তাল কৰে ৷ আনহাতে, প্ৰতিবাদস্থলীত জিলা শক্তি বিভাগৰ এজিএম আশীষ সিন্হাৰ হাতত স্মাৰক পত্ৰ প্ৰেৰণ কৰি শীঘ্ৰে উক্ত অঞ্চলত বিদ্যুৎ সংযোগ কৰাৰ দাবী জনায় ।
হাইলাকান্দিত কৃষক মুক্তিৰ প্ৰতিবাদ
