গোলাঘাট,8 এপ্ৰিল: গোলাঘাট জিলাৰ দেৰগাঁৱৰ নেঘেৰিটিং চাৰিআলিত সংঘটিত হয় এক শোকাৱহ পথ দুৰ্ঘটনা । এখন ইটা ভৰ্তি AS 03 AC-1069 নম্বৰৰ 407 বাহন আৰু AS 0K 5568 এখন স্কুটীৰ মুখামুখি সংঘৰ্ষৰ ফলত সংঘটিত হয় পথ দুৰ্ঘটনাটো । এই পথ দুৰ্ঘটনাত গুৰুতৰভাৱে আঘাতপ্ৰাপ্ত হয় স্কুটী আৰোহী গৰাকী ৷
দেৰগাঁৱত শোকাৱহ পথ দুৰ্ঘটনা, নিহত এজন
স্থানীয় ৰাইজৰ তৎপৰতাত 108 জৰুৰীকালীন সেৱাৰ জৰিয়তে দেৰগাঁৱৰ ত্ৰিশখন বিচনাযুক্ত চিকিৎসালয়লৈ স্কুটী আৰোহী গৰাকীক নিয়া হয় যদিও চিকিৎসকে মৃত ঘোষণা কৰে ৷ মৃত ব্যক্তিগৰাকী নেঘেৰিটিং চাহ বাগিচাত মেকানিক হিচাপে কৰ্মৰত পুৰন সিং চাহী বুলি চিনাক্ত কৰা হৈছে ৷ ইফালে দুৰ্ঘটনা সংঘটিত কৰিয়েই 407 বাহনৰ চালকজনে পলায়ন কৰে ৷ দেৰগাঁও আৰক্ষী ঘটনাস্থলীত উপস্থিত হৈ জব্দ কৰিবলৈ সক্ষম হয় বাহনখন ৷
লগতে পঢ়ক: অসমত নহয় লক ডাউন-নৈশ সান্ধ্য আইন : হিমন্ত বিশ্ব শৰ্মা
