গোলাঘাট, 5 আগষ্ট : পাঁচশ বছৰীয়া এক ঐতিহাসিক বিতৰ্কৰ অৱসান ঘটিল বুধবাৰে । শ্ৰী ৰাম মন্দিৰ প্ৰতিষ্ঠাৰ বাবে ৰাম জন্মভূমি অযোধ্যাত ভূমি পূজন আৰু শিলান্যাস কৰে দেশৰ প্ৰধানমন্ত্ৰী নৰেন্দ্ৰ মোদীয়ে । এই ভূমি পূজন আৰু শিলন্যাসৰ লগত সংগতি ৰাখি গোলাঘাট জিলাৰ বিভিন্ন প্ৰান্তত হিন্দু ধৰ্মাৱলম্বী লোক,সংগঠনে অতি উলহ মালহেৰে পাৰ কৰে বুধবাৰৰ দিনটো । বিশ্ব হিন্দু পৰিষদে বিভিন্ন স্থানত দীপ প্ৰজ্জ্বলন আৰু যজ্ঞ অনুষ্ঠিত কৰে ।
ইয়াৰ সমান্তৰালভাৱে গোলাঘাট নগৰত হিন্দু জাগৰণ মঞ্চ অসমে পুৱাৰে পৰা বৃক্ষৰোপণ,যজ্ঞ,বন্তি প্ৰজ্জ্বলন কৰে । প্ৰহ্লাদ ৰায় বাউৰীৰ বদন্যতাত বিনামূলীয়াকৈ দুটা অক্সিজেন গেছৰ চিলিণ্ডাৰ দুখীয়া ৰাইজৰ সেৱাৰ বাবে বেঙেনাখোৱা বাগিচা মেহেন্দীপুৰ বালাজী মন্দিৰত প্ৰদান কৰে । ব্ৰহ্মদত্ত ৰাজহুৱা শিৱথানৰ উদ্যোগত শ্ৰীৰামৰ প্ৰতিছবিত বন্তি প্ৰজ্জ্বলন কৰাৰ পিছতেই এক যজ্ঞৰ আয়োজন কৰা হয় ।
লগতে পঢ়কঃ ৰাম মন্দিৰ হ’লে ৰাম ৰাজ্যও স্থাপন হ’ব : ভৱেশ কলিতা
