গোলাঘাটত শোকাৱহ পথ দূৰ্ঘটনাত নিহত এক

গোলাঘাটত সংঘটিত শোকাৱহ পথ দূৰ্ঘটনা । দূৰ্ঘটনাটোত এজন নিহত হোৱাৰ লগতে গুৰুতৰভাৱে আহত হয় দুজন ৷

গোলাঘাট,14 মাৰ্চঃ গোলাঘাটত শনিবাৰে সংঘটিত হয় এক শোকাৱহ পথ দূৰ্ঘটনা । ফলত এজন লোক নিহত হোৱাৰ লগতে আন দুজন লোক গুৰুতৰভাৱে আহত হয় । মৃত লোকজনৰ নাম যদু বৰা(২২) বুলি জানিব পৰা গৈছে । আনহাতে, জীৱন চন্দ্ৰ নেওগ নামৰ এজন লোকৰ লগতে ভাস্কৰ নেওগ নামৰ এটি ৭বছৰীয়া শিশু আহত হৈছে ৷

জানিব পৰা মতে, উইংগাৰ আৰু বাইকৰ মুখামুখি সংঘৰ্ষৰ ফলত সংঘটিত হয় দূৰ্ঘটনাটো । বৰপথাৰৰ দিশৰ পৰা গোলাঘাট অভিমুখে আহি থকা AS 05 C 1962 নম্বৰৰ যাত্ৰীবাহী উইংগাৰ বাহনখনে বিপৰীত দিশৰ পৰা আহি থকা AS 03 Z 3461 নম্বৰৰ পালছাৰ বাইকত খুন্দিওৱাৰ ফলত সংঘটিত হয় শোকাৱহ পথ দূৰ্ঘটনাটো ।

লগতে চাওকঃযোৰহাটত তীব্ৰ বেগী ডাম্পাৰ খুন্দাত থিতাতে নিহত এজন