বোকাখাত, 13 জুলাই : মূল্যবৃদ্ধিৰ পিছতে এইবাৰ বিদ্যুতৰ বিলে কন্দুৱাইছে ৰাইজক ৷ বোকাখাতত বিদ্যুতৰ বিলৰ নামত হাজাৰ হাজাৰ বিদ্যুতৰ বিলৰ নামত মাধমাৰ একাংশ লোকক ৷ এমাহৰ বিল দেখি ত্ৰাহি মধুসূদন সুঁৱৰিলে খুড়ীয়ে ৷
পূৰ্বৰ অসম ৰাজ্যিক বিদ্যুৎ পৰিষদৰ পৰা বৰ্তমান অসম শক্তি বিতৰণ কোম্পানীলৈ ক্ষমতা হস্তান্তৰ হোৱাৰ পিছত কোম্পানীটোৰ একাংশ কৰ্মচাৰী নামিছে অবৈধ ধন সংগ্ৰহ অভিযানত । বোকাখাতৰ বিভিন্ন স্থানত শক্তি বিভাগৰ বিৰুদ্ধে সৰৱ হৈছে উপভোক্তা তথা স্থানীয় ৰাইজ (APDCL electricity bill scam at Bokakahat)৷
বুধবাৰে বোকাখাত পৌৰসভাৰ ৩ নং ৱাৰ্ডৰ বিষ্ণুপুৰৰ গাঁৱৰ প্ৰায়সকল লোকেই বিদ্যুতৰ বিল দেখি ৰাজপথলৈ ওলাই আহে ৷ বোকাখাতৰ অসম শক্তি বিতৰণ কোম্পানীৰ অধীনত সাধাৰণতে প্ৰতি মাহে উপভোক্তালৈ ৮০ টকাৰ পৰা ৩০০ ৰ পৰা ৬০০ টকা পৰ্যন্ত বিল আহে ৷ কিন্তু এটা মাহতে এখন ঘৰলৈ এপিডিচিএলে বিল প্ৰেৰণ কৰিছে ৬,০০০ টকাৰ পৰা ১০,০০০ টকা পৰ্যন্ত । অত্যাধিক বিল দেখি কেমেৰাৰ সন্মুখতে কান্দি উঠে উপভোক্তা মহিলাই ৷
