গা ধুৱলৈ গৈ নদীত সন্ধানহীন কিশোৰী

গোলাঘাটৰ খুমটাইত সংঘটিত হৈছ শোকাৱহ ঘটনা । গা ধুবলৈ গৈ ধনশিৰি নদীত সন্ধানহীন এগৰাকী 16 বছৰীয়া কিশোৰী ।

গোলাঘাট, 30 মাৰ্চঃ কৰ'ণা ভাইৰাছৰ আতংকৰ মাজতে গোলাঘাটৰ খুমটাইত সোমবাৰে সংঘটিত হৈছ শোকাৱহ ঘটনা । গা ধুবলৈ গৈ ধনশিৰি নদীত সন্ধানহীন এগৰাকী 16 বছৰীয়া কিশোৰী । সন্ধানহীন হৈ থকা কিশোৰীগৰাকীৰ নাম পৰিমিতা চতনামি ।

খুমটাই পাৰঘাটৰ ধনশিৰি নদীত গা ধুবলৈ গৈছিল চাৰি গৰাকী যুৱতী। নদীৰ সোঁতত উটি যায় চাৰিও গৰাকী যুৱতী। স্থানীয় লোকে আন তিনিগৰাকীক উদ্ধাৰ কৰিবলৈ সক্ষম হয় যদিও এগৰাকীক উদ্ধাৰ কৰিবলৈ সক্ষম নহ'ল । বর্তমান স্থানীয় লোকে চলাই আছে উদ্ধাৰ অভিযান ।