ডিমা হাচাও, 25 ছেপ্তেম্বৰ: ডিমা হাছাও জিলাত পঞ্চায়তী ৰাজ ব্যৱস্থা প্ৰৱৰ্তনৰ বিৰোধিতাৰে আৰু কেন্দ্ৰীয় চৰকাৰৰ শ্ৰমিক,খেতিয়ক তথা জন বিৰোধী নীতিৰ বিৰুদ্ধে হাফলঙত যুৱ কংগ্ৰেছ আৰু মহিলা কংগ্ৰেছৰ প্ৰতিবাদ ৷ শুকুৰবাৰে ক'লা বেজ পৰিধান কৰি হাফলং জিলা উপযুক্তৰ কাৰ্যালয়ৰ সন্মুখত এই প্ৰতিবাদ সাব্যস্ত কৰে যুৱ কংগ্ৰেছ আৰু মহিলা কংগ্ৰেছৰ সদস্য সকলে ৷ অচিৰেই এই বিল প্ৰত্যাহাৰৰ কৰাৰ বাবে কেন্দ্ৰীয় চৰকাৰক দাবী জনাইছে প্ৰতিবাদকাৰী সকলে ৷
উল্লেখ্য যে, 2019 চনৰ 25 ছেপ্টেম্বৰত ডিমা হাছাও জিলাত পঞ্চায়তী ৰাজ ব্যৱস্থা প্ৰৱৰ্তন কৰাৰ বিষয়ে উত্তৰ কাছাৰ পাৰ্বত্য স্বায়ত্ব শাসিত পৰিষদৰ মুখ্য কাৰ্যবাহী সদস্যই এখন চুক্তি স্বাক্ষৰ কৰে ৷ কিন্তু এই পঞ্চায়তীৰাজ ব্যৱস্থা কেতিয়াও মানি লোৱা নহ'ব বুলি সংবাদ মাধ্যমৰ আগত প্ৰকাশ কৰিছে ডিমা হাছাও জিলা যুৱ কংগ্ৰেছৰ সাধাৰণ সম্পাদক সজেছ কেম্প্ৰাইয়ে৷ কিয়নো ষষ্ঠ অনুসূচীৰ অধীনত থকা ডিমা হাছাও জিলাত পঞ্চায়তী ৰাজ ব্যৱস্থাৰ প্ৰৱৰ্তন হ'লে স্বায়ত্ব শাসিত পৰিষদৰ ক্ষমতা কিছু হ্ৰাস পাব৷ এই ব্যৱস্থা প্ৰৱৰ্তন কৰাৰ চেষ্টা চলালে পৰৱৰ্তী সময়ত বৃহৎ আন্দোলন গঢ়ি তোলাৰ হুংকাৰ প্ৰদান কৰে সজেছ কেম্প্ৰাইয়ে ৷
লগতে পঢ়কঃ কৃষি বিধেয়কৰ প্ৰতিলিপি দাহেৰে বিৰোধ প্ৰদৰ্শন আছুৰ
