ডিমা হাছাও, 15 মে’: গোপন সূত্ৰৰ তথ্যৰ ভিত্তিত ডিমা হাছাও জিলাৰ লাইচঙত ডিমা হাছাও আৰক্ষী আৰু অসম ৰাইফলছে শনিবাৰ পুৱা এক অভিযান চলাই লাইচঙৰ নিজ বাসগৃহৰ পৰা এনএচচিএন (কে) উগ্ৰপন্থী সংগঠনৰ লিংকমেন ইগাইনিং নিউমেক গ্ৰেপ্তাৰ কৰিবলৈ সক্ষম হয় ।
আৰক্ষী সূত্ৰৰ পৰা জানিব পৰা মতে, এনএচচিএন উগ্ৰপন্থী সংগঠনৰ লিংকমেন জনে নাগালেণ্ডৰ পৰা অস্ত্ৰ আনি হাফলঙত এনচিএন সদস্যক সৰবৰাহ কৰাৰ পৰিকল্পনা কৰিছিল আৰু এই তথ্য লাভ কৰাৰ পিছতে আৰক্ষী আৰু অসম ৰাইফেলছ শনিবাৰে পুৱা অভিযানত নামি গ্ৰেপ্তাৰ কৰে লোক জনক।
গ্ৰেপ্তাৰ হোৱা লোক জনৰ পৰা এটা পিষ্টল সহ এক ৰাউণ্ড সজীৱ গুলী আৰু এটা মোবাইল হেণ্ডচেট জব্দ কৰে যুটীয়া বাহিনীয়ে । বৰ্তমানে ধৃত এনএচচিএন (কে) উগ্ৰপন্থী সংগঠনৰ লিংক মেন জনক লাইচং আৰক্ষী থানাত ৰাখি জেৰা অব্যাহত ৰাখিছে আৰক্ষীয়ে।
লগতে পঢ়ক: চিকাৎসালয়তে মৃত্যু ড্ৰাগছ আসক্ত যুৱকৰ
