মৰাণ, 11 জুন : বুঢ়ীদিহিং নৈৰ গৰাখহনীয়া (river erosion) ৰ কবলত পৰিছে ডিব্ৰুগড় জিলাৰ টিংখাং বিধানসভা সমষ্টিৰ (tingkhang lac) এখন গাঁও । প্ৰণিধানযোগ্য যে, টিংখাং বিধানসভা সমষ্টিৰ অন্তৰ্গত তিনঠেঙীয়া গাঁও পঞ্চায়তৰ অধীনৰ খোৱাং ৩ নং চৰাইহাবি গাঁৱলৈ এতিয়া ভাবুকি কঢ়িয়াই আনিছে বুঢ়ীদিহিং নৈৰ গৰাখহনীয়াই।
বুঢ়ীদিহিং নদীৰ গৰাখহনীয়াই কালৰূপ ধাৰণ কৰিছে খোৱাঙৰ চৰাইহাবিত
এই গৰাখহনীয়াত ইতিমধ্যেই জাহ গৈছে এটা অংগনবাদী কেন্দ্ৰৰ লগতে শ শ বিঘা কৃষিভূমি । সম্প্ৰতি পৰিস্থিতিৰ পৰা পৰিত্ৰাণ বিচাৰি হাহাকাৰ কৰিবলগীয়া হৈছে গাঁওবাসীয়ে । আৰু মাত্ৰ দহ মিটাৰমান গৰা খহিলেই এতিয়া নিচিহ্ন হৈ পৰিব গাঁওখনৰ মূল পথটো । উল্লেখযোগ্য যে, খামটিঘাট দলঙৰ নিচেই কাষতে হোৱা এই গৰাখহনীয়া ৰোধৰ বাবে কোনো ধৰণৰ হাতত ব্যৱস্থা লোৱা নাই সংশ্লিষ্ট বিভাগে ।
