ডিব্ৰুগড় , ৩০ জানুৱাৰী : মৰাণ সমষ্টিৰ খোৱাঙৰ চেচুঘাটত অহা ২২ ফেব্ৰুৱাৰীৰ পৰা ২৪ ফেব্ৰুৱাৰীলৈ বুঢ়ীদিহিং গ্ৰন্থ উৎসৱ-২০২১ অনুষ্ঠিত হ'ব। লেজাই-কলাখোৱা, খোৱাং, বৰবৰুৱা আঞ্চলিক ছাত্ৰ সন্থাৰ উদ্যোগত, বুঢ়ীদিহিং দলং আৰু বাইপাছ নিৰ্মাণ দাবী সমিতি আৰু স্থানীয় ৰাইজৰ সহযোগত অনুষ্ঠিত হ'ব লগা এই গ্ৰন্থ উৎসৱৰ শনিবাৰে লাইখুঁটা স্থাপন কৰা হয় ।
আছু ডিব্ৰুগড় জিলাৰ সভাপতি বুলবুল দত্তই লাইখুঁটা স্থাপন কৰা অনুষ্ঠানটোত বুঢ়ীদিহিং নদীৰ দুয়ো পাৰৰ বহু সংখ্যক লোকে অংশগ্ৰহণ কৰে । ইফালে এই গ্ৰন্থ উৎসৱৰ লগত সংগতি ৰাখি কৃষি, পশুপালন, মীন পালনৰ প্ৰশিক্ষণ শিবিৰ আৰু নিয়োগ মেলাও অনুষ্ঠিত হ'ব বুলি জনালে উদ্যোক্তা সমিতিয়ে ।
লগতে পঢ়ক :বিলাসীপাৰাত কৃষি আইনৰ বিৰুদ্ধে প্ৰতিবাদ দল-সংগঠনৰ
