মৰাণ,11 এপ্ৰিল : অসমীয়াৰ আবেগ, অসমীয়াৰ স্বাভিমান হেঁপাহৰ ৰঙালী বিহুৰ আগমনে জীপাল কৰি তুলিছে চহা অসমীয়াৰ মন প্ৰাণ ৷ অসমীয়া জাতীয় জীৱনৰ আয়ুসৰেখা স্বৰূপ অতিকৈ চেনেহৰ ব'হাগৰ আগমনত এতিয়া সৰ্বত্ৰে পৰিলক্ষিত হৈছে ভীষণ ব্য়স্ততা ৷ এই বহাগক লৈ এতিয়া অসমীয়াৰ প্ৰাণে-মনে উঠিছে আনন্দৰ লহৰ ৷ প্ৰতিজন অসমীয়াই হেঁপাহৰ বিহুটি পাতিবলৈ বিভিন্ন ধৰণে চলাইছে প্ৰস্তুতি।
কণ-কণ শিশুৰ পৰা আৰম্ভ কৰি ডেকা-গাভৰুলৈ সকলোৱে বিহুকলৈ ব্যস্ত হৈ পৰাৰ বাতৰি সমগ্ৰ কৰাৰ মাজতে ডিব্ৰুগড়ত সাংবাদিকেও মাৰিলে বিহু ৷ সংবাদ সংগ্ৰহত সদাব্যস্ত সাংবাদিক সকলেও ঢোলৰ চেও, বিহু নামৰ সুৰত বাঁহী বজাই নাচনিৰ সৈতে বিহু নাচি আনন্দ উৎসাহেৰে পাৰ কৰিলে এটা দিন ৷ মৰাণত সংবাদ সংগ্ৰহ কৰিবলৈ গৈ ডিব্ৰুগড়ৰ সাংবাদিক হিৰণ্য কৌশিক বৰাই বজোৱা বাঁহীৰ সুৰে আপ্লুত কৰিলে সকলোকে ৷
লগতে পঢ়ক :মানাহ ৰাষ্ট্ৰীয় উদ্যানত পুনৰ সংযোজন হ’ল তিনিটাকৈ গঁড়ৰ পোৱালী
