ডিব্ৰুগড়, ১০ জুন : নিষিদ্ধ ড্ৰাগছৰ বিৰুদ্ধে অসম আৰক্ষীয়ে অভিযান অব্যাহত ৰাখিছে । বিভিন্ন স্থানৰ পৰা আৰক্ষীয়ে সৰবৰাহকাৰী,ব্যৱসায়ী আৰু বৃহৎ পৰিমাণৰ নিষিদ্ধ ড্ৰাগছ জব্দ কৰিবলৈ সক্ষম হৈছে । তেনে সময়তে চাঞ্চল্যকৰ ঘটনা সংঘটিত হৈছে ডিব্ৰুগড় জিলাত । ড্ৰাগছ ক্ৰয় কৰিবলৈ নাপায় এজন লোকক চোকা অস্ত্ৰৰে আক্ৰমণ এজন ড্ৰাগছ আসক্ত যুৱকৰ । ডিব্ৰুগড়ৰ মিলননগৰ টি ভি চেন্টাৰৰ সমীপৰ চিটি মহাবিদ্যালয়ৰ ওচৰত সংঘটিত হৈছে এই ঘটনা ।
অভিযোগ অনুসৰি নিৰ্মালী গাঁৱৰ ৰঞ্জুমণি কাকতি নামৰ ড্ৰাগছ আসক্ত যুৱকজনে চোকা অস্ত্ৰৰে আক্ৰমণ কৰে মানকটা টেপৰ গাঁৱৰ সদা সোণোৱাল ওৰফে মুহিধৰ সোণোৱাল নামৰ লোকজনক । এই ঘটনাত আহত হৈছে মুহিধৰ সোণোৱাল নামৰ লোকজন । সম্প্ৰতি তেওঁ চিকিৎসাধীন হৈ আছে । জানিব পৰা মতে ইতিমধ্যে আৰক্ষীয়ে গ্ৰেপ্তাৰ কৰিছে আক্ৰমণকাৰী যুৱকজনক । অৱশ্যে আৰক্ষীয়ে স্বাস্থ্য পৰীক্ষা কৰোৱাত যুৱকজনৰ দেহত কৰ'ণা ভাইৰাছৰ অৱস্থিতি ধৰা পৰে । লগে লগে যুৱকজনক প্ৰেৰণ কৰা হৈছে ক'ভিড কেয়াৰ চেণ্টাৰলৈ ।
লগতে পঢ়ক:ৰাজ্যত পুনৰ আক্ৰমণৰ বলি চিকিৎসক
