মৰাণ,22 এপ্ৰিল: 21ব’হাগৰ দিনটো হৈছে ব’হাগৰ প্ৰথমটো বুধবাৰ । অসমৰ অন্যতম ভূমিপুত্ৰ দেউৰী সকলে 21ব’হাগৰ পৰা পালন কৰিছে চেনেহৰ ৰঙালী বিহু । সমগ্ৰ ৰাজ্যৰ লগতে মৰাণ সমীপৰ দেউৰী গাওঁসমূহতো দেখা গৈছে ব্যাপক উচাহ ।
মৰাণৰ সমীপৰ ডিমৌৰ পানীদিহিং মৌজাৰ শিঙিয়নী গাঁৱত দেউৰী ডেকা জীয়ৰীসকলে, পৰম্পৰাগত বোকা বিহু খেলি তেওঁলোকৰ আৰাধ্য দেৱতা বলিয়া বাবাৰ থানত বছৰটোৰ মঙগলৰ বাবে গঞা ৰাইজে সেৱা আগবঢ়াই ।
বৰপূজা বুলি কোৱা ব’হাগৰ প্ৰথম এই বিহুৰ দিনা দেউৰীসকলৰ যুৱক-যুৱতী সকলে সুকীয়া সুকীয়াকৈ বোকা বিহুৰ আনন্দ উদযাপন কৰে । বিয়লি বলিয়া বাবাৰ মন্দিৰত গাওঁবাসীয়ে মাংগলিক অনুষ্ঠানেৰে অনুষ্ঠিত বৰপূজাত অংশ লৈ বছৰটোৰ বাবে মঙগল কামনা কৰি আৰাধ্য দেৱতাৰ আশীষ বিচাৰে । এনেদৰে পৰৱৰ্তী দিনাৰে পৰা ডেকা-গাভৰু, পুৰুষ-মহিলা সকলোৱে ঘৰে ঘৰে হুঁচৰি পৰিৱেশন কৰে ৷
লগতে পঢ়ক: জুৰীয়াত ক’ভিড প্ৰ’ট’কল অমান্য শিক্ষকৰ
