টিংখাঙৰ এগৰাকী ছাত্ৰীৰ প্ৰশংসনীয় পদক্ষেপ

লক ডাউনৰ সময়ছোৱাত ঘৰতে থাকি ৰাইজৰ বাবে এহাজাৰ মাস্ক তৈয়াৰ কৰি উলিয়াইছে টিংখাং তিনিআলি চাহ বাগিচাৰ বাসিন্দা এগৰাকী ছাত্ৰীয়ে ৷ মাস্ক তৈয়াৰ কৰি বিনামূলীয়াকৈ ৰাইজৰ মাজত প্ৰদানৰ ব্যৱস্থা কৰিছে ছাত্ৰীগৰাকীয়ে ৷

টিংখাং, 31 মাৰ্চঃ মহামাৰী কৰ'ণা ভাইৰাছৰ পৰা হাত সাৰি থাকিবলৈ ডিব্ৰুগড় জিলাৰ টিংখাং মহাবিদ্যালয়ৰ ছাত্ৰী নেহা মুণ্ডাই ৰাইজৰ বাবে তৈয়াৰ কৰিছে এহাজাৰখন মাস্ক ৷ লক ডাউনৰ সময়ছোৱাত ঘৰতে থাকি ৰাইজৰ বাবে ছাত্ৰী গৰাকীয়ে প্ৰস্তুত কৰি উলিওৱা এই মাস্কসমূহ, স্থানীয় এখন ফাৰ্মাচীত দি ঔষধ কিনিবলৈ অহা লোকক বিনামূলীয়াকৈ যোগান ধৰাৰ ব্যৱস্থা কৰিছে ৷ বৰ্তমান মাস্কৰ নাটনিৰ সময়ত অধ্যয়ন আৰু ঘৰুৱা কামৰ মাজতো এনেদৰে মাস্ক তৈয়াৰ কৰি ৰাইজক বিনামূলীয়াকৈ যোগান ধৰাটো নিতান্তই প্ৰশংসনীয় পদক্ষেপ ৷

লগতে পঢ়কঃ কৰ'ণা ভাইৰাছ প্ৰতিৰোধৰ বাবে চৰকাৰলৈ বিভিন্নজনৰ সহায়ৰ হাত