মৰাণ,১৪ মাৰ্চ: মৰাণ সমষ্টিত ৰাইজৰ দল আৰু অসম জাতীয় পৰিষদত মোক্ষম আঘাত । প্ৰাৰ্থিত্বকেন্দ্ৰিক সংঘাতৰ বাবে মৰাণৰ দুয়োটা দলৰ শতাধিক কৰ্মীয়ে দল দুটাৰ পৰা পদত্যাগ কৰি গেৰুৱা বসন পৰিধান কৰে । দেওবাৰে দুয়োটা দলৰে দুই শতাধিক জিলা তথা সমষ্টিৰ নেতা-কৰ্মীয়ে ভাৰতীয় জনতা পাৰ্টীত যোগদান কৰে ।
ৰাজ্যিক সমিতিৰ বিষয়ববীয়া উজ্বল কাশ্যপৰ লগতে বিজেপিৰ খোৱাং মণ্ডল সমিতিৰ সভাপতি ক্ষীৰোদ কুমাৰ দুৱৰা, সাঃ সম্পাদক বিক্ৰম খাৰিয়াৰ উপস্থিতিত অসম জাতীয় পৰিষদৰ ডিব্ৰুগড় জিলাৰ যুটীয়া সম্পাদক কবিন্দ্ৰ ঢেকীয়াল ফুকনৰ নেতৃত্বত অসম জাতীয় পৰিষদ আৰু ৰাইজৰ দলৰ দুই শতাধিক নেতা-কৰ্মীয়ে ভাৰতীয় জনতা পাৰ্টীত যোগদান কৰে ।
