নিচাজাতীয় দ্ৰব্যসহ বিলাসীপাৰাত এজনক আটক

বিলাসীপাৰাত নিচাজাতীয় দ্ৰব্যসহ এজনক আটক ৷ গোপন খবৰৰ ভিত্তিত বিলাসীপাৰা থানাৰ নগৰ উপ-পৰিদৰ্শক প্ৰনৱ দলেৰ নেতৃত্বত আৰক্ষীয়ে ম'বাইল ৰিচাৰ্জৰ দোকানখনত তালাচী চলায় উদ্ধাৰ কৰে এই দ্ৰব্য়সমূহ ৷

পশ্চিম বিলাসীপাৰা, 10 জুন : বিলাসীপাৰাৰ চক বজাৰত মঙলবাৰে নিশা আৰক্ষীয়ে এক অভিযান চলায় ৷ অভিযানত বৃহৎ পৰিমাণৰ নিচাজাতীয় দ্ৰব্যসহ এজনক আটক কৰে আৰক্ষীয়ে ৷ চহৰখনৰ ১২ নম্বৰ ৱাৰ্ড কামাৰ পট্টীত থকা আঁখি ম'বাইল ৰিচাৰ্জৰ বিপনীত উদ্ধাৰ হয় অবৈধ নিচাজাতীয় দ্ৰব্যসমূহ ৷

গোপন খবৰৰ ভিত্তিত বিলাসীপাৰা থানাৰ নগৰ উপ-পৰিদৰ্শক প্ৰনৱ দলেৰ নেতৃত্বত আৰক্ষীয়ে ম'বাইল ৰিচাৰ্জৰ দোকানখনত তালাচী চলায় ৷ অভিযানত দোকানখনৰ গৰাকী আনোৱাৰ হুছেইনক আটক কৰাৰ লগতে বহু সংখ্যক নিচাজাতীয় কফ চিৰাপৰ বটলৰ লগতে টেবলেট জব্দ কৰিবলৈ সক্ষম হয় ৷ অধিক তথ্যৰ বাবে আটকাধীন আনোৱাৰ হুছেইনক জেৰা চলাইছে আৰক্ষীয়ে ৷

লগতে পঢ়ক : বাঘজান তৈল খাদ অগ্নিকাণ্ডত নিখোজ দুই অইলৰ কৰ্মচাৰী