ধুবুৰী, 5 এপ্ৰিলঃ নৰেন্দ্ৰ মোডীৰ শাসন উফৰাই পেলোৱাৰ হুংকাৰ বংগকন্যা মমতা বেনাৰ্জীৰ ৷ অসমৰ ধুবুৰী, বৰপেটা, নগাঁও, কৰিমগঞ্জ, মংগলদৈ, তেজপুৰকে ধৰি মুঠ নটা সমষ্টিত প্ৰাৰ্থিত্ব প্ৰদান কৰা তৃণমূল কংগ্ৰেছৰ নেত্ৰীগৰাকীয়ে ধুবুৰীৰ পৰাই হুংকাৰ প্ৰদান কৰিলে প্ৰাধনমন্ত্ৰী নৰন্দ্ৰ মোডীক । অসমীয়াতেই বিহুৰ শুভেচ্ছা জ্ঞাপন কৰি ভূপেনদাৰ গীতেৰে ভাষণৰ আৰম্ভণি কৰিলে মমতা বেনাৰ্জীয়ে । আগন্তক তিনি চাৰি মাহৰ ভিতৰত অসম দখল কৰাৰ হুংকাৰ প্ৰদান কৰি কেন্দ্ৰ আৰু ৰাজ্যৰ বিজেপি চৰকাৰক কঠোৰ ভাষাৰে সমালোচনা কৰিলে তৃণমূল কংগ্ৰেছৰ নেতৃগৰাকীয়ে । এনআৰচিৰ প্ৰসংগত মোডীক সমালোচনা কৰি নৰেন্দ্ৰ মোডী চৰকাৰে যাক ভাল পায় তাৰ নাম এন আৰ চিত আহিছে, যাক ভাল পোৱা নাই তাৰ নাম অহা নাই বুলি মন্তব্য কৰে মমতাই । তৃণমূল কংগ্ৰেছৰ সপক্ষে ভোটাধিকাৰ সাব্যস্ত কৰি দেশ বচাবলৈও অহ্বান জনালে সকলোকে । ইমানেই নহয়, দেশ কপোঁৱা সাৰদা কেলেংকাৰীৰ প্ৰসংগত মমতা বেনাৰ্জীয়ে কয় যে, সাৰদা কোম্পানীৰ পৰা তিনিশ কোটি টকা লোৱাৰ অভিযোগ থকাৰ পাচতো হিমন্ত বিশ্ব শৰ্মাৰ বিৰুদ্ধে কিয় ব্যৱস্থা ল'বলৈ সাহস কৰা নাই নৰেন্দ্ৰ মোডীয়ে ।
কেৱল ইমানেই নহয়, তৃণমূল কংগ্ৰেছক টকাৰে ক্ৰয় কৰা নাযায়, ভাবুকিৰে ক্ৰয় কৰা নাযায় বুলি মন্তব্য কৰি মমতা বেনাৰ্জীয়ে কয় যে, "তৃণমূল কংগ্ৰেছ মাটিৰ দল, মাকৰ দল, ভগৱানৰ দল, আল্লাৰ দল । আমি কাকো ভয় নকৰো । মই অসমীয়াক ভাল পাওঁ, মই অসমৰ চাহ বাগিচাক ভাল পাওঁ । মা কামাখ্যাক ভাল পাওঁ ।" বিজেপি চৰকাৰক সমালোচনা কৰি কয় যে, বেজেপিয়ে অসমীয়া বঙালী ভাগ ভাগ কৰিবলৈ চেষ্টা কৰিছে । হিন্দু আমাৰ ভাই, খ্ৰীষ্টান আমাৰ ভাই, শিখ আমাৰ ভাই, মুছলমান আমাৰ ভাই । আমি কাকো ভাগ ভাগ নকৰো । নাগৰিকত্ব সংশোধনী বিধেয়কত থকা সকলো তথ্য অধ্যয়ন কৰিছো বুলি কৈ মমতাই কয় যে, "কেবত আছে ভয়াৱহ তথ্য । স্বদেশী নাগৰিকক ছয় বছৰৰ বাবে বিদেশী বনাব কেবে ।
ভাষণৰ শেষত অসমৰ সৈতে পশ্চিম বংগৰ সম্পৰ্ক আছে আৰু থাকিব বুলি উল্লেখ কৰি আমি এখন ধৰ্ম নিৰপেক্ষ দেশ বিচাৰিছো । সকলোৱে মিলি একেলগে থাকিব বিচাৰো । আমি এখন যুঁজ কৰি আছো আৰু এই যুঁজত জিকিবলৈ হ'লে সকলোকে তৃণমূল কংগ্ৰেছত ভোট দিবলৈ আহ্বান জনাই মমতা বেনাৰ্জীয়ে ।
