বিলাসীপাৰাত চোৰাং কাঠ ভৰ্তি ট্ৰাক জব্দঃ 7 জনক আটক

শনিবাৰে বগৰীবাৰী আৰক্ষীয়ে এক গোপন সূত্ৰৰ পম খেদি চোৰাং কাঠ ব্যৱসায়ীৰ বিৰুদ্ধে এক অভিযান চলায় ৷ এই অভিযানত আৰক্ষীয়ে 7 জন লোকক আটক কৰে ৷

পশ্চিম বিলাসীপাৰা, 11 জানুৱাৰীঃ শনিবাৰে বিলাসীপাৰাৰ নিকটৱৰ্তী কোকৰাঝাৰ জিলাৰ বগৰীবাৰী আৰক্ষীয়ে চোৰাং কাঠ ব্যৱসায়ীৰ বিৰুদ্ধে এক অভিযান চলায় ৷ এক গোপন সূত্ৰৰ পম খেদি আৰক্ষীয়ে এই অভিযান চলায় ৷ এই অভিযানত আৰক্ষীয়ে দুখন চোৰাং চেগুন কাঠ ভৰ্তি ট্ৰাক জব্দ কৰাৰ লগতে 7 জন লোকক আটক কৰে ৷

আটকাধীন লোক কেইজন ক্ৰমে লিভন সৰেন,জোসন টিগ্গা (কাৰ্বি আংলং),মহম্মদ ছাহিদ,ইমৰান, কৰম উদ্দিন,ইস্তিকাৰ,আৰু জুবেইৰ( উত্তৰ প্ৰদেশ) ৷ উল্লেখ্য যে জব্দকৃত কাঠখিনিৰ আনুমানিক বজাৰ মূল্য প্ৰায় ডেৰ কোটি টকা হ'ব বুলি গোলাঘাটৰ বন বিষয়াই জানিবলৈ দিয়ে ৷ তথ্য অনুসৰি ডিমাপুৰৰ পৰা পশ্চিমবংগলৈ লৈ যোৱা অৱস্থাতে আৰক্ষীয়ে কাঠ সমূহ জব্দ কৰে৷ জব্দ হোৱা হোৱা ট্ৰাক দুখনৰ নম্বৰ UP-25CT-4855 আৰু UP-25CT-7678 ৷

লগতে পঢ়ক - সমগ্ৰ দেশতে বলৱৎ হ’ল ‘‘CAA’’