ধুবুৰী, ১৫ ফেব্ৰুৱাৰীঃ ধুবুৰী আৰক্ষীয়ে শুকুৰবাৰৰ পুৱতি নিশা ধুবুৰীৰ টিয়ামাৰীৰ গাঁৱৰ পৰা জব্দ কৰে ৩৩ টাকৈ চোৰাং গৰু। যি সমূহ চোৰাং গৰু বাংলাদেশ লৈ চোৰাং চালানৰ বাবে নিয়া হৈছিল। আৰক্ষীয়ে গোপন তথ্যৰ ভিত্তিত অভিযান চলাই কেইবা লক্ষাধিক টকাৰ চোৰাং গৰু জব্দ কৰি বৰ্তমান গৌৰীপুৰৰ এখন গৰুৰ খোৱাৰত জমা ৰাখে।
উল্লেখযোগ্য যে, গৰুৰ চোৰাং কাৰবাৰ সম্পৰ্কে ধুবুৰী আৰক্ষীয়ে সংবাদ মাধ্যমৰ আগত কোনো মন্তব্য দিব বিচৰা নাই যদিও খান উপাধিৰ এজন চোৰাং গৰু বেপাৰীৰ বুলি এক তথ্য পোৱা গৈছে। খান উপাধিৰ এজন চোৰাং গৰু বেপাৰীৰ নেতৃত্বত ধুবুৰী আৰু গৌৰীপুৰত বাংলাদেশলৈ চোৰাং গৰু চালানৰ এক বৃহৎ নেটৱৰ্ক গঢ়ি উঠিছে।
ধুবুৰীৰ ভাৰত বাংলা সীমান্তৰে অব্যাহত আছে গৰুৰ ভয়াৱহ চোৰাং কাৰবাৰ। ব্ৰহ্মপুত্ৰৰ পানী যথেষ্ট কমি অহাৰ ফলত উন্মুক্ত হৈ পৰিছে ভাৰত বাংলা সীমান্তৰ বিভিন্ন এলেকা। যাৰ ফলত উন্মুক্ত সীমান্তৰে প্ৰতি নিশা নিয়মিতভাবে বাংলাদেশ লৈ চোৰাং গৰু চালান হৈ আহিছে।
