ধুবুৰী,19 জুলাইঃ ধুবুৰীৰ মটেৰঝাৰৰ গদাধৰ নদীত উদ্ধাৰ যুৱকৰ মৃতদেহ ৷ এচ ডি আৰ এফ বাহিনীয়ে উদ্ধাৰ কৰে মৃতদেহটো ৷ উল্লেখ্য যে, বৃহস্পতিবাৰে দুপৰীয়া মটেৰঝাৰৰ সমীপত থকা গদাধৰ নদীৰ ওপৰৰ দলঙৰ পৰা আত্মহত্যাৰ লক্ষ্যৰে নদীত জপিয়াইছিল এজন অচিনাক্ত যুৱকে ৷ কিন্তু নদীত জপিওৱাৰ পাচতে প্ৰাণ বচোৱাৰ বাবে চিঞৰিবলৈ ধৰে যুৱকজনে ৷ কিন্তু যুৱকজনক কিন্ত বচাবলৈ ন'গল কোনো লোক ৷ আন একাংশই সহায়ৰ পৰিৱৰ্তে তাচ্ছিল্য কৰি গালি গালাজ পাৰে যুৱকজনক ৷ এই সমগ্ৰ দৃশ্য বন্দী হয় কেমেৰাত ৷ আনহাতে যুৱকজনক দূৰৰ পৰা এজন নাৱৰীয়াই প্ৰত্যক্ষ কৰি বচাবলৈ আগবাঢ়ি আহে যদিও নিৰুদ্দেশ হয় যুৱকজন ৷ তেতিয়াৰ পৰা গোলকগঞ্জ আৰক্ষীয়ে এচ ডি আৰ এফক লগত লৈ উদ্ধাৰ অভিযান চলায় ৷ উদ্ধাৰ অভিযানত শুকুৰবাৰে বিয়লি মৃতদেহ উদ্ধাৰ কৰিবলৈ সক্ষম হয় যদিও বৰ্তমানলকৈ চিনাক্ত হোৱা নাই যুৱকজন ৷
ধুবুৰীত অচিনাক্ত মৃতদেহ উদ্ধাৰ
