ধুবুৰী, ৫অক্টোবৰ : ৰাজ্যৰ ভিন্ন প্ৰান্তৰ লগতে ধুবুৰীৰ চাপৰতো প্ৰতিবাদী কাৰ্যসূচী ৰূপায়ণ কৰিছে প্ৰাথমিক শিক্ষক সন্মিলনীয়ে । 2019 চনৰ 30 ডিচেম্বৰত মুখ্যমন্ত্ৰীয়ে শিক্ষা আৰু বিত্ত বিভাগক দিয়া নিৰ্দেশনা শীঘ্ৰে কাৰ্যকৰী কৰা, পুৰণি পেঞ্চন নীতি বাহাল ৰখা, বেতন বঞ্চিত শিক্ষকৰ চাকৰি নিয়মীয়া কৰাৰ দাবীত চাপৰ-শালকোচা খণ্ড প্ৰাথমিক শিক্ষক সন্মিলনীয়ে 2 ঘণ্টা ধৰি বিক্ষোভ প্ৰদৰ্শন কৰে ।
অসম ৰাজ্যিক প্ৰাথমিক শিক্ষক সন্মিলনীৰ আহ্বানত আজি ৰাজ্যৰ ভিন্ন প্ৰান্তত শিক্ষকসকলে ধৰ্ণা কাৰ্যসূচী ৰূপায়ণ কৰিছে । শিক্ষকসকলে দীৰ্ঘদিন ধৰি ভূগি অহা সমস্যাসমূহ সমাধানৰ দাবীত চাপৰ-শালকোচা খণ্ডৰ প্ৰাথমিক শিক্ষা বিষয়াৰ কাৰ্য্যালয়ৰ সন্মুখত প্ৰতিবাদ সাব্যস্ত কৰে শিক্ষক-শিক্ষয়িত্ৰীসকলে ।
লগতে পঢ়ক : ড্ৰেগন ফলৰ খেতিয়ে হাঁহি বিৰিঙাইছে কৃষকৰ মুখত
