বিলাসীপাৰা,29 জানুৱাৰী: বিলাসীপাৰাত উন্মোচিত অসম আৰক্ষীৰ ফোঁপলা স্বৰূপ ৷ শালকোচা আৰক্ষী চকীৰ পৰা হাত কেৰেয়া(হেণ্ডকাফ) সহ পলাল দুৰ্ধৰ্ষ বাইক চোৰ ৷ আৰক্ষী চকীৰ পৰা পলায়ন কৰা বাইক চোৰ জনৰ নাম আকিবুল ইছলাম ৷ মঙলবাৰে নিউ হাতীপোতা বজাৰৰ পৰা বাইক চুৰি কৰি নিয়াৰ সময়তে ৰাইজে হাতেলোটে আটক কৰিছিল আকিবুলক ৷ AS 01 BF-1138 নম্বৰ পালচাৰ বাইক খন চুৰি কৰি নিয়াৰ সময়তে ৰাইজে চোৰ জনক আটক কৰি গতাই দিছিল শালকোচা আৰক্ষীক ৷ সমগ্ৰ ঘটনাই ব্যাপক প্ৰতিক্ৰিয়াৰ সৃষ্টি কৰিছে বিলাসীপাৰাত ৷ বৰ্তমান ঘটনাৰ উচিত তদন্তৰ দাবী জনাইছে স্থানীয় দল সংগঠনে ৷
বিলাসীপাৰাত আৰক্ষীৰ জিম্মাৰ পৰা হেণ্ডকাফসহ পলাল বাইক চোৰ
