হায়দৰাবাদ: ভাৰতীয় মহাকাশ গৱেষণা সংস্থা চমুকৈ ইছৰোই আজি পুনৰবাৰ ৰচিলে আন এক ইতিহাস । ইছৰোৱে SPADEX (Space Docking Exercise) অভিযানৰ অধীনত দুটা উপগ্ৰহ ডক কৰাৰ প্ৰক্ৰিয়া সফলতাৰে সম্পূৰ্ণ কৰিছে । আমেৰিকা, ৰাছিয়া আৰু চীনৰ পিছত এই কৃতিত্ব অৰ্জন কৰা চতুৰ্থখন দেশ হিচাপে পৰিগণিত হৈছে ভাৰত ।
ইছৰোৰ প্ৰতিক্ৰিয়া
SpaDeX Docking Update:
— ISRO (@isro) January 16, 2025
🌟Docking Success
Spacecraft docking successfully completed! A historic moment.
Let’s walk through the SpaDeX docking process:
Manoeuvre from 15m to 3m hold point completed. Docking initiated with precision, leading to successful spacecraft capture.…
ইছৰোই X ত এক পোষ্টযোগে কয়, "মহাকাশযান ডকিং প্ৰক্ৰিয়া সফলতাৰে সম্পূৰ্ণ হৈছে । এয়া এক ঐতিহাসিক মুহূৰ্ত । মহাকাশ ইতিহাসত ভাৰতে নিজৰ নাম লিপিৱদ্ধ কৰিলে ! এই মুহূৰ্তটোৰ সাক্ষী হৈ আমি গৌৰৱান্বিত ! সফল মহাকাশ ডকিং লাভ কৰা ভাৰত হৈছে চতুৰ্থখন দেশ । সমগ্ৰ দল আৰু ভাৰতলৈ অভিনন্দন ।"
স্পাডেক্স মিছনৰ তাৎপৰ্য
SpaDeX Docking Update:
— ISRO (@isro) January 16, 2025
Post docking, control of two satellites as a single object is successful.
Undocking and power transfer checks to follow in coming days.
#SPADEX #ISRO
2024 চনৰ 30 ডিচেম্বৰত ইছৰোৱে স্পাডেক্স মিছন উৎক্ষেপণ কৰিছিল । ইয়াৰ দ্বাৰা দুটা সৰু উপগ্ৰহ - SDX01 (Chaser) আৰু SDX02 (Target) পৃথিৱীৰ নিম্ন কক্ষপথত উৎক্ষেপণ কৰা হৈছিল । এই অভিযান আছিল ভাৰতীয় মহাকাশ কাৰ্যসূচীৰ বাবে ডকিং প্ৰযুক্তি প্ৰদৰ্শন কৰা ।
চন্দ্ৰযান-4 ৰ দৰে অভিযানত ডকিং প্ৰযুক্তিৰ প্ৰয়োজন । চন্দ্ৰৰ পৰা নমুনা সংগ্ৰহ কৰি পৃথিৱীলৈ ঘূৰাই অনাৰ বাবে ই গুৰুত্বপূৰ্ণ । ভাৰতীয় মহাকাশ গৱেষণা সংস্থাই ‘ভাৰতীয় মহাকাশ কেন্দ্ৰ’ স্থাপনৰ বাবেও এই প্ৰযুক্তি গুৰুত্বপূৰ্ণ । 2028 চনৰ ভিতৰত ইয়াক মুকলি কৰাৰ পৰিকল্পনা গ্ৰহণ কৰা হৈছে ।
ডকিং প্ৰক্ৰিয়াৰ ক্ষেত্ৰত প্ৰত্যাহ্বান
দুয়োটা উপগ্ৰহকে প্ৰথমে অভিযানৰ অধীনত 20 কিলোমিটাৰ দূৰত্বত ৰখা হৈছিল । তাৰ পিছত চেজাৰ উপগ্ৰহটোৱে লক্ষ্য উপগ্ৰহৰ কাষ চাপি 5 কিলোমিটাৰ, 1.5 কিলোমিটাৰ, 500 মিটাৰ, 225 মিটাৰ, 15 মিটাৰ আৰু শেষত 3 মিটাৰ দূৰত্ব অতিক্ৰম কৰে । ইয়াৰ পিছত দুয়োটা উপগ্ৰহ একেলগে সংযোগ কৰা হ’ল । ডক কৰাৰ পিছত উপগ্ৰহসমূহৰ মাজত শক্তি স্থানান্তৰ কৰা হৈছিল । তাৰ পিছত দুয়োকে পৃথক কৰি নিজৰ নিজৰ পেলোড অপাৰেচন আৰম্ভ কৰা হ’ল ।
দুটা সৰু উপগ্ৰহ ব্যৱহাৰ কৰি মহাকাশত ডকিং প্ৰদৰ্শন কৰাৰ লক্ষ্যৰে 2024 বৰ্ষৰ 30 ডিচেম্বৰত শ্ৰীহৰিকোটাৰ পৰা পিএছএলভি-চি60 ত উৎক্ষেপণ কৰা হৈছিল । প্ৰথমে 2025 চনৰ 7 জানুৱাৰীৰ দুপৰীয়াৰ ভাগত ডকিং হোৱাৰ সম্ভাৱনা আছিল যদিও প্ৰত্যাহ্বানৰ বাবে দুবাৰকৈ পিছুৱাই দিয়া হৈছিল এই প্ৰক্ৰিয়া ।
ভৱিষ্যতৰ পৰিকল্পনা
Dr. V. Narayanan, Secretary DOS, Chairman Space Commission and Chairman ISRO, congratulated the team ISRO.#SPADEX #ISRO pic.twitter.com/WlPL8GRzNu
— ISRO (@isro) January 16, 2025
চন্দ্ৰযান-4 অভিযানত ডকিং আৰু আনডকিং প্ৰক্ৰিয়াই মূল ভূমিকা পালন কৰিব । এই অভিযানত পৃথক পৃথক উৎক্ষেপণ বাহনৰ দ্বাৰা দুটা মডিউল উৎক্ষেপণ কৰা হ’ব । এইবোৰ জিঅ’চিনক্ৰ’নাছ ট্ৰেন্সফাৰ অৰ্বিট (জিটিঅ’)ত ডক হ’ব । ডকিং প্ৰযুক্তিৰ সহায়ত চন্দ্ৰত নমুনা সংগ্ৰহ কৰি পৃথিৱীলৈ ঘূৰাই অনা হ’ব ।
ইয়াৰ উপৰিও মানৱ অভিযান আৰু মহাকাশ কেন্দ্ৰৰ বাবেও এই প্ৰযুক্তি বিকশিত কৰাৰ পৰিকল্পনা কৰা হৈছে । স্পাডেক্স অভিযানৰ সফল ডকিং টেষ্টে ভাৰতক মহাকাশ বিজ্ঞানৰ আন এক উল্লেখযোগ্য মাইলৰ খুঁটি অৰ্জন কৰাত সহায় কৰিছে । এই অভিযান ভৱিষ্যতে ইছৰোৰ অভিলাষী মহাকাশ অভিযানৰ বাবে এক মাইলৰ খুঁটি হিচাপে পৰিগণিত হ’ব ।
