ধেমাজি , 14 নেৱেম্বৰঃ আজি 14 নৱেম্বৰ ৷ পোহৰৰ উৎসৱৰ লগতে আজি ৰাষ্ট্ৰীয় শিশু দিৱস । সমগ্ৰ দেশতেই পালন কৰা হৈছে শিশু দিৱস ৷ সমান্তৰালকৈ ধেমাজিতো পালন কৰা হৈছে শিশু দিৱস ৷ পিছে পূৰ্বৰ দৰে নাই শিশু দিৱসৰ মাদকতা । বিভিন্ন অনুষ্ঠান-প্ৰতিষ্ঠানত নাই শিশুৰ সমাৱেশ অথবা উৎসৱমুখৰ পৰিৱেশ ।
ধেমাজিত দেৱালত পেইণ্টিং কৰিয়ে উদযাপন শিশু দিৱস
ধেমাজিৰ শিশু শিক্ষাৰ অগ্ৰণী প্ৰতিষ্ঠান মনালিছা 'আট একাডেমী'ত নাই পূৰ্বৰ দৰে জাক-জমকতাৰ কাৰ্যসূচী । শিশুসকলৰ হাতত নাই ৰং তুলিকা । সেয়ে কেইগৰাকীমান কিশোৰ-কিশোৰীয়ে দেৱালত ছৱি অংকন কৰিয়েই শিশু দিৱস পালন কৰিছে। কৰ'ণা মহামাৰীৰ বাবেই এতিয়া বঞ্চিত হ'বলগীয়া হৈছে শিশুসকল । কৰ'ণাৰ বাবেই অনুষ্টুপীয়াকৈয়ে উদযাপন কৰিলে শিশুবিহীন এই শিশু দিৱস ৷
লগতে পঢ়ক-আঘাতপ্ৰাপ্ত বনৰীয়া হাতীক চিকিৎসা প্ৰদানত ব্যৰ্থ বন বিভাগ
