ধেমাজি, 8 মে' : লক্ ডাউনৰ মাজতেই ধেমাজিত সেউজ বিপ্লৱৰ সূচনা ৷ ব্ৰহ্মপুত্ৰৰ বালিচৰত তিনি হাজাৰ বিঘা ভূমিত অৰণ্য সৃষ্টি কৰিব চিচিমু বাসীয়ে ৷
ধেমাজি জিলাৰ পিছপৰা বৃহত্তৰ চিচিমুখ আৰু নামনি চিচিটঙানী অঞ্চলৰ ব্ৰহ্মপুত্ৰৰ সুঁতি চিচি নৈৰ বালিচৰত মিচিং জাতীয় সংগঠন টি এম পিকে আৰু গাওঁ পঞ্চায়তৰ সহযোগত স্থানীয় ৰাইজে প্ৰতিদিনে ৰোপন কৰিছে হাজাৰ-হাজাৰ গছপুলি ৷
দীৰ্ঘদিনীয়া বানপানী আৰু গৰাখহনীয়াৰ কবলত পৰি জাহ যোৱা কৃষি ভূমিত ৰোপন কৰিছে শিমলু, চেগুনকে আদি কৰি বহুতো মূল্যৱান গছৰ পুলি ৷
শুকুৰবাৰে তেওঁলোকে সৃষ্টি কৰা এই অৰণ্য ভূমি পৰিদৰ্শন কৰে বিধায়ক ৰণোজ পেগুৱে ৷ বিধায়ক গৰাকীয়ে প্ৰায় 4 কিল'মিটাৰ খোজকাঢ়ি উপস্থিত হয় এই দুৰ্গম অঞ্চলটোত ৷
ৰাইজৰ এই প্ৰচেষ্টাত বিধায়ক গৰাকী গুণমুগ্ধ হোৱাৰ লগতে সকলো প্ৰকাৰৰ সহায়-সহযোগিতা আগবঢ়াব বুলি প্ৰতিশ্ৰুতি প্ৰদান কৰে অঞ্চলবাসীক ৷
লগতে পঢ়ক : অৰুণাচলৰ পৰা ওদালগুৰি সীমান্তৰে অসমত প্ৰৱেশ শতাধিক লোকৰ
