জোনাই বেৰাচাপৰিত চিয়াং নদীৰ খহনীয়াত আতংকিত ৰাইজ

বহু পৰিয়ালে নিজৰ আপোন ঘৰখন ভাঙি অনিশ্চয়তাৰে আশ্ৰয় লৈছে পথৰ ওপৰত ৷

জোনাই, ১১ আগষ্ট: জোনাইত চিয়াং নদীৰ ভয়ংকৰ খহনীয়া | জোনাই বেৰাচাপৰিত খহনীয়াত জাহ গ'ল এটা মথাউৰি | মথাউৰি ছিঙি বাগৰি অহা চিয়াং নৈৰ পানীয়ে জলমগ্ন কৰিছে বৃহত্তৰ বেৰাচাপৰি অঞ্চলৰ 20-25 খন গাঁৱৰ লগতে একমাত্ৰ শিক্ষানুষ্ঠান বেৰা মিলন হাইস্কুলখন পানীয়ে বুৰাই পেলোৱাত 4-5 দিনৰ বাবে বিদ্যালয়ল বন্ধ দিয়া হৈছে | অঞ্চলটোৰ একমাত্ৰ শিক্ষানুষ্ঠান বেৰা মিলন হাইস্কুলখন কেইটামান দিনৰ পিছত চিয়াং নৈৰ গৰাখহনীয়াত সম্পূৰ্ণৰূপে জাহ যোৱাৰ সম্ভাৱনাই দেখা দিয়াত চিন্তিত হৈ পৰিছে ছাত্ৰ ছাত্ৰীৰ লগতে অভিভাৱক তথা ৰাইজ |

ইফালে চিয়াং নদীৰ তীব্ৰ খহনীয়া দেখি আতংকিত হৈ বহু পৰিয়ালে নিজৰ আপোন ঘৰখন লগতে দোকান-পোহাৰ ভাঙি পথৰ ওপৰত আশ্ৰয় লৈছে |