ধেমাজি,6 ডিচেম্বৰঃ অসম জাতীয় পৰিষদৰ ধেমাজিৰ ভৰালীচুকত দেওবাৰে মুখ্য কাৰ্যালয় আনুষ্ঠানিকভাৱে মুকলি কৰে ৷ এক আড়ম্বপূৰ্ণ মাজেৰে কাৰ্যালয় ফিটা কাটি শুভ উদ্বোধন কৰে অসম জাতীয় পৰিষদৰ কেন্দ্ৰীয় সমিতিৰ মুখ্য আহ্বায়ক হৰেন চুতীয়াই ৷
ইযাৰ পিছতে শুভ উদ্বোধনী অনুষ্ঠানৰ মুকলি সভাত সভাপতিত্ব কৰে ধেমাজি জিলা জাতীয় পৰিষদৰ মুখ্য আহ্বায়ক দেৱেন দত্তই ৷ সভাত ধেমাজি সাহিত্যিক পেঞ্চনাৰ উমেশ চেতিয়াই অংশ গ্ৰহণ কৰি নৱগঠিত ৰাজনৈতিক দলটোৰ উদ্দেশ্য সফল হোৱা উদ্দেশ্যে আগবঢ়াই শুভেচ্ছামূলক বক্তব্য । সভাত কেন্দ্ৰীয় সমিতিৰ আহ্বায়ক চিত্তৰঞ্জন বসুমতাৰীয়ে আগন্তুক ২০২১ নিৰ্বাচনত বিজেপিক পৰাভূত কৰিবলৈ সক্ষম হ’ব বুলি কৈ ইয়াৰ বাবে সকলোকে ওলাই আহিবলৈ আহ্বান জনালে ৷
লগতে পঢ়কঃ ডিব্ৰুগড় যান-বাহন আৰক্ষীক হুইল লক প্ৰদান দুটাকৈ সংস্থাৰ
