মংগলদৈত শোকাৱহ পথ দুৰ্ঘটনাত নিহত এজন

মঙলদৈ খাৰুপেটীয়া বাছ ষ্টেণ্ডত পথ দুৰ্ঘটনা ৷ ট্ৰাকৰ খুন্দাত নিহত এজন ৰং মিস্ত্ৰী ৷ কামৰ বাবে চাইকেল চলাই আহি থকাৰ সময়তে সংঘটিত হয় এই দুৰ্ঘটনাটো ৷

মংগলদৈ, 3 মে' : 15 নং ৰাষ্ট্ৰীয় ঘাইপথত শোকাৱহ পথ দুৰ্ঘটনা ৷ ট্ৰাকৰ খুন্দাত থিতাতে নিহত হয় এজন লোক ৷ মংগলদৈ-খাৰুপেটীয়া বাছ ষ্টেণ্ডত সংঘটিত হয় এই দুৰ্ঘটনা ৷

চাইকেলৰে আহি থকা অৱস্থাত বিপৰীত দিশৰ পৰা অহা মাকৈ ভৰ্তি ট্ৰাকৰ খুন্দাত থিতাতে নিহত হয় দলগাঁৱৰ ৰাজ কুমাৰ চাহু নামৰ লোকজন ৷

দুৰ্ঘটনা সংঘটিত কৰা বাহনখনৰ নম্বৰ NL 01 AD 0565 বুলি জানিব পৰা গৈছে ৷

উল্লেখযোগ্য যে, নিহত হোৱা লোকজন পেছাত ৰং মিস্ত্ৰী আছিল ৷ মঙলদৈৰ ব্লক চৌকাত কামৰ বাবে আহিছিল লোকজন ৷

লগতে পঢ়ক : লক​ডাউনৰ মাজতে অসম-নাগালেণ্ড সীমান্তৰ চুঙাজানত মাৰণাস্ত্ৰ উদ্ধাৰ