দলগাঁৱত পথ মেৰামতিত নামিল স্বেচ্ছাসেৱী সংগঠন

দীৰ্ঘদিন ধৰি পথটো যাতায়তৰ অনুপযোগী হৈ থকাৰ পাচতো জন প্ৰতিনিধি সকলে কোনো ধৰণৰ গুৰুত্ব প্ৰদান নকৰাত অতিষ্ঠ হৈ পথ চোৱা মেৰামতিৰ কামত লাগে Trironga Social Welfare Association নামৰ স্বেচ্ছাসেৱী সংগঠনৰ কৰ্মকৰ্তাসকল ।

দলগাঁও,09 জুন : জন প্ৰতিনিধিৰ আশা বাদ দি দলগাঁৱত পথ মেৰামতিত নামিল স্বেচ্ছাসেৱী সংগঠনৰ কৰ্মকৰ্তাসকল । স্থানীয় লোকৰ অভিযোগ অনুসৰি খাৰুপেটীয়াৰ নিমতলিৰ পৰা কৌপাটিলৈ পথটো ঠিকাদাৰে নামমাত্ৰ কাম কৰিয়েই সামৰে দায়িত্ব ৷ দুই নম্বৰ শিয়ালমাৰী গাঁৱত এজাক বৰষুণতে একাঁঠু পানী জমা হৈ সৃষ্টি হোৱা বোকা পানীৰ ফলত পথচাৰীসকলে যমৰ যাতনা ভুগিব লগীয়া হৈছে । দীৰ্ঘদিন ধৰি পথটো যাতায়তৰ অনুপযোগী হৈ থকাৰ পাচতো জন প্ৰতিনিধি সকলে কোনো ধৰণৰ গুৰুত্ব প্ৰদান নকৰাত অতিষ্ঠ হৈ পথ চোৱা মেৰামতিৰ কামত লাগে Trironga Social Welfare Association নামৰ স্বেচ্ছাসেৱীসংগঠনৰ কৰ্মকৰ্তাসকল ।
কল্যাণ গাঁও পঞ্চায়তৰ অন্তৰ্গত অতি ব্যস্ত পথটো অতি শীঘ্ৰে মেৰামতি কৰি যাতায়ত সুচল কৰি তোলাৰ বাবে বিভাগীয় কৰ্তপক্ষক দাবী জনায় কৰ্মকৰ্তাসকলে ।