দৰঙৰ কুৰুৱাত ব্ৰহ্মপুত্ৰই ছিঙিলে মথাউৰি

দৰঙৰ কুৰুৱাত ব্ৰহ্মপুত্ৰৰ বাঢ়নী পানীয়ে ছিঙি নিলে মথাউৰি ৷ ফলত হুৰাহুৰে ব্ৰহ্মপুত্ৰৰ বাঢ়নী পানী সোমাই সৃষ্টি কৰিছে হাহাকাৰ পৰিস্থিতিৰ ৷

দৰঙ,জুলাই 17 : ৰাজ্যত সৰ্বত্ৰে তাণ্ডৱলীলা চলাইছে ব্ৰহ্মপুত্ৰ আৰু ইয়াৰ উপনৈ সমূহৰ বাঢ়নী পানীয়ে ৷ দৰঙৰ কুৰুৱাত ব্ৰহ্মপুত্ৰৰ বাঢ়নী পানীয়ে ছিঙি নিলে মথাউৰি ৷ ফলত হুৰাহুৰে ব্ৰহ্মপুত্ৰৰ বাঢ়নী পানী সোমাই সৃষ্টি কৰিছে হাহাকাৰ পৰিস্থিতিৰ ৷ বানত প্লাৱিত হৈছে ওপৰ কুৰুৱা,ভাটি কুৰুৱা,মাজ কুৰুৱা,বাজানা পথাৰ,খলিহৈ আদিকে ধৰি বহুকেইখন গাঁও ৷ বন্যাৰ্তক সহায়ৰ বাবে উপস্থিত হৈছে এন ডি আৰ এফ আৰু এছ ডি আৰ এফৰ দল ৷ বৰ্তমান সুৰক্ষিত স্থান বিচাৰি আশ্ৰয় শিৱিৰ স্থাপনৰ ব্যৱস্থা কৰিছে বানাক্ৰান্ত ৰাইজে ৷

উল্লেখ্য যে,মঙলবাৰেই মথাউৰিটো ভঙাৰ উপক্ৰম হৈছিল যদিও বালিৰ বস্তাৰে মথাউৰিটো ৰক্ষাৰ চেষ্টা কৰা হৈছিল ৷ কিন্তু সকলো চেষ্টা বিফল কৰি বুধবাৰে মহাবাহুৰ কোবাল সোঁতে ছিঙি নিয়ে মথাউৰিটো ৷