গুৱাহাটী,৬ মাৰ্চ: ৰাজ্য চৰকাৰৰ স্ব-অগ্ৰাধিকাৰ পুঁজিৰ ২০১৮-১৯ প্ৰকল্পৰ অধীনত মহানগৰীত নিৰ্মাণ কৰা হ'ব নতুন উৰণীয়া সেঁতু । বুধবাৰে ৰাধা গোবিন্দ বৰুৱা পথৰ পৰা গণেশগুৰিৰ বিষ্ণু ৰাম মেধি সেঁতুলৈ নিৰ্মাণ হ'বলগীয়া নতুন উৰণীয়া সেঁতুৰ আধাৰশিলা স্থাপন কৰিলে মুখ্যমন্ত্ৰী সৰ্বানন্দ সোণোৱালে ।
মহানগৰীত নতুন উৰণীয়া সেঁতুৰ আধাৰশিলা স্থাপন
ইপিনে মহানগৰীত দিনক দিনে বৃদ্ধি পাই অহা যান-জঁটৰ সংখ্যা হ্ৰাস কৰিবলৈ চৰকাৰে কেইবাখনো উৰণীয়া সেঁতু নিৰ্মাণৰ সিদ্ধান্ত গ্ৰহণ কৰিছে বুলি মন্তব্য কৰে বিত্তমন্ত্ৰী ডঃ হিমন্ত বিশ্ব শৰ্মাই । উল্লেখ্য যে ৫৮.৭৪ কোটি টকা ব্যয় সাপেক্ষে নিৰ্মাণ হ'বলগীয়া মুঠ ৩১৫.১৩৮ মিঃ দৈঘ্যৰ নতুন উৰণীয়া সেঁতুৰ কাম ১৮ মাহৰ ভিতৰত সম্পন্ন কৰা হ'ব আশা প্ৰকাশ কৰে বিত্তমন্ত্ৰীগৰাকীয়ে ।
