শিলচৰ, 30 জুলাই: দেওবাৰে নিশা টিপাৰৰ খুন্দাত নিহত সাংবাদিক মলিন শৰ্মাৰ মৃত্যুৰ প্ৰতিবাদত মঙলবাৰে পুৱাৰ পৰা শিলচৰ চহৰত 12 ঘন্টীয়া বন্ধ পালন কৰা হৈছে ৷ বিভিন্ন সাংবাদিক সন্থাৰ লগতে প্ৰায় 30টা মান সন্থাৰ সমৰ্থনত চলি আছে এই বন্ধ ৷
বন্ধৰ এই সময়ছোৱাত চহৰখনত কোনো ধৰণৰ যান বাহনৰ চলাচল দেখা পোৱা নাই ৷ দোকান অফিচ বজাৰ আদিও বন্ধ ৰখা দেখা গৈছে ৷ চহৰৰ বিভিন্ন ঠাইত মহিলা সকলক অৱৰোধ পিকেটিং আদি কৰা দেখা গৈছে ৷
বন্ধৰ দাবীসমূহৰ মাজত আছে-
১ ) মলিনৰ পৰিয়ালক ২০ লাখ টকাৰ ক্ষতিপূৰণ
২) মলিনৰ পৰিবাৰক এটি চৰকাৰী চাকৰি প্ৰদান
৩) ১২ ঘন্টাৰ ভিতৰত ঘাতক টিপাৰৰ চালকক গ্ৰেপ্তাৰ কৰি লাইসেন্স বাতিল আৰু শাস্তি প্ৰদান
৪) সাংবাদিকৰ লগতে সাধাৰণ নাগৰিকৰ পথ সুৰক্ষা প্ৰদান
৫) চহৰখনত শীঘ্ৰেই বাইপাচ ব্যৱস্থা কৰা
