কাছাৰ, 31 মাৰ্চ : বিগত 19 মাৰ্চত কোনো দুৰ্বৃত্তই গুলীয়াই হত্যা কৰা কাছাৰ জিলাৰ হাতিচৰা গাঁও পঞ্চায়তৰ সভাপতি সুখেন্দু দাসৰ হত্যাকাণ্ডৰ লগত জড়িত দোষীক শাস্তি প্ৰদানৰ দাবীৰে তেবুৰবন্দত স্থানীয় ৰাইজৰ প্ৰতিবাদ ৷ সুখেন্দুৰ হত্যাকাণ্ড জড়িতসকলক উচিত শাস্তি প্ৰদানৰ দাবীৰে প্ৰতিবাদ স্থানীয় ৰাইজৰ ৷ ইপিনে এই হত্যাকাণ্ডৰ তদন্তৰ ক্ষেত্ৰত আৰক্ষীৰ ভুমিকাক লৈও প্ৰশ্ন উত্থাপন ৰাইজৰ ৷ হত্যাকাণ্ডৰ10 দিন উকলি যোৱাৰ পাচতো 5 জনক গ্ৰেপ্তাৰ কৰি জেলত প্ৰেৰণ কৰিয়েই দায়িত্ব সামৰাৰ লগতে আজি পৰ্যন্ত হত্যাত ব্যৱহৃত বন্দুক উদ্ধাৰ কৰিবলৈ সক্ষম নোহোৱাৰ অভিযোগ ৰাইজৰ ৷
সুকেন্দু দাসৰ হত্যাকাণ্ডৰ নতুন মোৰ 5 আটকাধীন লোকৰ এজনেও আজি পৰ্যন্ত গ্ৰহণ কৰা নাই হত্যাৰ দায়ভাৰ ৷ যাৰ বাবে এনেদৰে দেওবাৰে প্ৰতিবাদত নামে স্থানীয় ৰাইজে ৷ আনহাতে সুখেন্দুৰ মৃত্যুৰ দিনাই গুলীবিদ্ধ হৈ আহত হোৱা সুখেন্দুৰ বন্ধু ৰিংকু সেনাপতিৰ ওপৰত সন্দেহ প্ৰকাশ সুখেন্দুৰ পৰিয়ালৰ ৷ ৰিংকু সেনাপতিক তদন্তৰ আওতালৈ আনিলেই ঘটনাৰ মূল ৰহস্য ওলাই পৰিব বুলি দাবী সুখেন্দুৰ পত্নীৰ ৷ইয়াৰ বিপৰীতে কাছাৰ আৰক্ষী অধীক্ষকৰ ভাষ্য, শীল ব্যৱসায়ক কেন্দ্ৰ কৰিয়ে গাঁও পঞ্চায়তৰ সভাপতি সুখেন্দুক হত্যা কৰা হৈছিল আৰু 5 গৰাকী আটকাধীনৰ এগৰাকীয়ে হত্যা কৰিছে সুখেন্দুক ৷ উল্লেখ্য যে, ১৯ মাৰ্চত বন্ধু ৰিংকুৰ সৈতে মটৰ চাইকেল লৈ ঘৰৰ পৰা ওলাই যোৱাৰ সময়তে কোনো দুৰ্বৃত্তই গুলীয়াই হত্যা কৰিছিলে সুখেন্দুক আৰু আহত হৈছিল ৰিংকু সেনাপতি ৷
