11 বজাৰ শীৰ্ষ দহটা খবৰ

11 বজাৰ শীৰ্ষ দহটা খবৰ

সত্ৰনগৰী বৰপেটাতো এইবেলি 5 দিনীয়াকৈ অনুষ্ঠিত কৰা হৈছে দৌল মহোৎসৱ (Holi celebration in Barpeta Satra 2022) ৷ বৰপেটাবাসীৰ প্ৰাণৰ উৎসৱ দৌল মহোৎসৱৰ প্ৰথমদিনাৰ কাৰ্যসূচী হিচাপে বুধবাৰে বহ্নুৎসৱ বা গন্ধযাত্ৰা অনুষ্ঠিত (Holi celebration in Barpeta Satra) হয় ৷

বিত্ত মন্ত্রী অজন্তা নেওগে বুধবাৰে দাখিল কৰা ২০২২-২৩ বৰ্ষৰ বাজেটক (Assam budget 2022-23) জনকেন্দ্ৰিক তথা দ্ৰুত উন্নয়নমুখী আখ্যা দিছে বিজেপিৰ মিত্রদল অগপই (Atul Bora on Assam budget)। মুখ্যমন্ত্ৰী ড° হিমন্ত বিশ্ব শৰ্মাৰ বলিষ্ঠ নেতৃত্বত অসম বিধানসভাত বিত্তমন্ত্ৰী অজন্তা নেওগে উপস্থাপন কৰা অসম বাজেটে জনসাধাৰণৰ আশা-আকাংক্ষাক স্পষ্ট ৰূপত প্ৰতিফলিত কৰিছে ।

মহানগৰ আৰক্ষীয়ে অভিযান চলায় নিশা সোণাপুৰ টোলগেটৰ পৰা বৃহৎ পৰিমাণৰ ড্ৰাগছ জব্দ কৰে । মণিপুৰৰ পৰা গুৱাহাটী অভিমুখে আহি থকা অৱস্থাত ড্ৰাগছ সহ দুই সৰবৰাহকাৰী গ্ৰেপ্তাৰ কৰে আৰক্ষীয়ে । ধৃত সৰবৰাহকাৰী কেইজন ক্ৰমে মণিপুৰৰ খাংগেনবাম মাংগী সিং আৰু ছাগলছেম মাংলেংজাও সিং ৷

শিৱসাগৰত আৰক্ষীৰ এনকাউণ্টাৰত বুবু কোঁৱৰ নিহত হোৱা সন্দৰ্ভত (Bubu Konwar encounter in Sivsagar) ৰাজ্যিক মানৱ অধিকাৰ আয়োগত ৰুজু হোৱা গোচৰৰ শুনানিৰ দিন ঘোষণা কৰা হৈছে । বুধবাৰে গোচৰটোৰ সন্দৰ্ভত ৰাজ্যিক মানৱ অধিকাৰ আয়োগে চলিত বৰ্ষৰ ১৮ এপ্ৰিলত পৰৱৰ্তী শুনানিৰ দিন ঘোষণা কৰিছে (Hearing of Bubu Konwar encounter case) ৷

31 মাৰ্চত অনুষ্ঠিত হ’বলগীয়া ৰাজ্যসভা নিৰ্বাচন (Rajya Sabha Election 2022)৷ বিজেপিয়ে দুখন খালী আসনৰ এখন ইউ পি পি এলক এৰি দিব কবুলি চলি আছে চৰ্চা ৷ ইয়াৰ মাজতে বুধবাৰে নিশা মুখ্যমন্ত্ৰী ড৹ হিমন্তবিশ্ব শৰ্মা মুলতঃ এই বিষয়ত অনুষ্ঠিত হ’ল ৰাজ্যিক বিজেপিৰ ক'ৰ কমিটিৰ এখন বৈঠক ৷

সদনত বুধবাৰে দাখিল কৰা ২০২২-২৩ বৰ্ষৰ বাজেট(Assam Budget 2022)ত উচ্চ শিক্ষাৰ অনুষ্ঠানৰ বাবে বিত্তীয় অনুদান ঘোষণা কৰা হৈছে । বিত্তমন্ত্ৰী অজন্তা নেওগে বাজেটত ৬ খন বিশ্ববিদ্যালয়ৰ বাবে ৫০ কোটিকৈ অনুদান আগবঢ়োৱাৰ কথা ঘোষণা কৰিছে । মাজুলী বিশ্ববিদ্যালয়, ৰবীন্দ্ৰনাথ ঠাকুৰ বিশ্ববিদ্যালয়, ভট্টদেৱ বিশ্ববিদ্যালয়লৈ আগবঢ়োৱা হৈছে এই অনুদান ।

অজন্তা নেওগৰ এই বাজেটত ২০২২-২৩ বিত্তীয় বৰ্ষৰ বাবে ব্যয় নিৰ্ধাৰণ কৰা হৈছে ২৮৩৪৯৪.৬৪ কোটি ।‌‌ বাজেট প্ৰাককলন অনুসৰি এই বিত্তীয় বৰ্ষটোত একত্ৰীকৃত নিধিত মুঠ ১,১৯,০২৭.৯৫ কোটি টকা প্ৰাপ্তি সম্ভৱ হৈ উঠিব । ইয়াৰে ৰাজহ শিতানৰ পৰা ৯৬,৩৭৪.৫৯ কোটি আৰু মুলধন শিতানৰ পৰা ২৩,৬৭৩.৭১ কোটি সংযোজিত হ'ব ।

বাজেটক লৈ চি পি আইৰ (এম)ৰ প্ৰতিক্ৰিয়া প্ৰকাশ ৷ বাজেটত সচৰাচৰ ঘোষণা কৰি থকা আঁচনিৰ ছীল মোহৰ মৰা হৈছে । অসমৰ উন্নয়ন নিশ্চিত কৰিব পৰাকৈ কোনো পৰিকল্পিত আঁচনি বাজেটত ঘোষণা কৰা হোৱা নাই । কৃষি অৰ্থনীতি টনকিয়াল কৰাৰ কোনো আঁচনি নাই(CPIM MLA reacts on Assam budget 2022) ।

বিত্তমন্ত্রী অজন্তা নেওগে বুধবাৰে সদনত দাখিল কৰা ২০২২-২৩ বৰ্ষৰ বাজেটক চমকহীন গতানুগতিক বাজেট আখ্যা দিয়ে বিৰোধী দলপতি দেবব্ৰত শইকীয়াই(Opposition leader Debabrata Saikia reacts to budget 2022) । বিগত সময়ৰ বহু ঘোষণা এতিয়াও ৰূপায়ণ হোৱা নাই বুলি উল্লেখ কৰি তেওঁ কয় যে, পুৰণি বহু প্ৰকল্পৰ কথা বাজেটত পুনৰ উল্লেখ কৰা হৈছে ।

মুখ্যমন্ত্ৰী হিমন্ত বিশ্ব শৰ্মা নেতৃত্বাধীন চৰকাৰৰ প্ৰথমখন পূৰ্ণাংগ ৰাজ্যিক বাজেট বুধবাৰে বিত্তমন্ত্ৰী অজন্তা নেওগে বিধানসভাত দাখিল কৰিলে । বিত্তমন্ত্ৰী অজন্তা নেওগে বিধানসভাত দাখিল কৰা ২০২২-২৩ চনৰ পূৰ্ণাংগ ৰাজ্যিক বাজেট সম্পৰ্কত ব্যৱসায়ীৰ মতামত জানো আহক (businessman reactions on Assam budget) ৷