বিশ্বনাথ,17 ছেপ্তেম্বৰ: ৰাজ্যৰ ভিন্ন প্ৰান্তৰ লগতে বিশ্বনাথৰ বিভিন্ন স্থানত বৃহস্পতিবাৰে পালন কৰা হয় প্ৰধানমন্ত্ৰী নৰেন্দ্ৰ মোডীৰ জন্মদিন ৷ প্ৰধানমন্ত্ৰীগৰাকীৰ জন্মদিন উপলক্ষে বিশ্বনাথ জিলা বিজেপিৰ কৰ্মীসকলে ৰূপায়ণ কৰে বিভিন্ন কাৰ্যসূচী ৷ জিলাখনৰ ৭৭ নং বিহালী বিধানসভা সমষ্টিৰ অন্তৰ্গত বাঘমৰা মণ্ডল কমিটিৰ উদ্যোগত প্ৰধানমন্ত্ৰীগৰাকীৰ জন্মদিনৰ লগত সংগতি ৰাখি মোনাবাৰী গাঁও পঞ্চায়তত গছপুলি ৰোপণ কৰে বিজেপি কৰ্মীসকলে ৷ এই কাৰ্যসূচীত উপস্থিত থাকে বাঘমৰা বিজেপি মণ্ডল কমিটিৰ সভাপতি দধিৰাম শৰ্মা, মোনাবাৰী জিলা পৰিষদৰ সদস্য তৰুণ তাঁতী, মোনাবাৰী গাঁও পঞ্চায়তৰ সভানেত্ৰীকে ধৰি মণ্ডলৰ বহুসংখ্যক বিজেপি কৰ্মী ৷
লগতে চাওকঃ ক্ষতিপূৰণ পাবনে বাঘজানবাসীয়ে ?
