বিশ্বনাথ, 26 মে': লকডাউনৰ মাজতে মঙলবাৰে পুৱাই গহপুৰৰ বালিজানত সংঘটিত হয় এক ভয়ংকৰ পথ দুৰ্ঘটনা ৷ বিশ্বনাথৰ পৰা গহপুৰ অভিমুখী AS 12-T-8022 নম্বৰৰ এখন টাটা টিগৰ বাহনে নিয়ন্ত্ৰণ হেৰুৱাই বালিজানৰ 15 নং ৰাষ্ট্ৰীয় ঘাইপথৰ পৰা দ' খাৱৈত বাগৰি পৰাত থিতাতে নিহত হয় এজন লোক ৷ লগতে গুৰুতৰভাৱে আহত হয় আন এজন লোক ৷
উল্লেখ্য যে, মৃত ব্যক্তি জন বিশ্বনাথৰ জিঝিয়াৰ প্ৰকাশ শৰ্মা বুলি চিনাক্ত কৰিছে আৰক্ষীয়ে ৷ নাহৰলাগুনৰ এক্সিছ বেংকৰ কৰ্মচাৰী আছিল মৃত প্ৰকাশ শৰ্মা ৷ আনহাতে আহত চিবু দাসক ততাতৈয়াকৈ ভৰ্তি কৰোৱা হয় গহপুৰ মহকুমা চিকিৎসালয়ত ৷
লগতে পঢ়কঃ ধুমুহাত তচনচ ছাগলীয়া কোৱাৰেন্টাইন কেন্দ্ৰঃ আহত 9 জন
