বিশ্বনাথ, 14 জুলাই: ভাৰতৰ প্ৰসিদ্ধ ইণ্ডিয়া আইডল জুনিয়ৰ্ছ সংগীত প্ৰতিযোগিতাৰ প্ৰথম ৰানাৰ্ছ আপ তথা জনপ্ৰিয় গায়িকা বিশ্বনাথৰ সুযোগ্য সন্তান নাহিদ আফ্ৰিন পুনৰ উজলি শিক্ষা ক্ষেত্ৰত । সংগীত লগতে শিক্ষা ক্ষেত্ৰতো সমানে আগুৱাই যোৱা নাহিদে সদ্য ঘোষিত চিবিএছইৰ বিজ্ঞান শাখাৰ দ্বাদশ মানৰ চূড়ান্ত পৰীক্ষা ফলাফলত 96.4 শতাংশলৈ উত্তীৰ্ণ হৈ বিশ্বনাথলৈ গৌৰৱ কঢ়িয়াই আনিবলৈ সক্ষম হৈছে ।
উল্লেখ্য যে, ইয়াৰ পূৰ্বে হাইস্কুল শিক্ষান্ত পৰীক্ষাতো নাহিদে 91.5 শতাংশ নম্বৰলৈ উত্তীৰ্ণ হৈছিল ৷ 13 জুলাইত চিবিএছইৰ ফলাফল ঘোষণা কৰা হৈছিল ৷ য’ত সুন্দৰ ফলাফল দেখুৱাবলৈ সক্ষম হৈছে নাহিদে ৷ এই সন্দৰ্ভত শিল্পী গৰাকীয়ে সংগীত লগতে শিক্ষা দিশটো কেনেদৰে চলাই নিছিল সেই কথা ইটিভি ভাৰতৰ এক আছুতীয়া সাক্ষাৎকাৰত অৱগত কৰে ৷
লগতে চাওক-2019 বিশ্বকাপৰ চুপাৰ অভাৰৰ পূৰ্বে চিগাৰেট সেৱন কৰিছিল বেন ষ্ট’কছে
