বিশ্বনাথ, ৯ এপ্ৰিল : লোকসভা নিৰ্বাচনত ভোট দিবলৈ ভোটাৰ ৰাইজৰ বাবে নিৰ্ধাৰণ কৰা হৈছে ১২ টাকৈ নথিৰ । ইয়াৰে যিকোনো এটা হ'লেহে ভোটাৰে দিব পাৰিব নিজৰ ভোট । ভোট কেন্দ্ৰত ভোটাৰে প্ৰদৰ্শন কৰিব লগা আৰু আয়োগে নিৰ্ধাৰণ কৰি দিয়া নথি সমূহ হৈছে-
- ১) ভোটাৰ পৰিচয় পত্ৰ,
- ২) ফটো যুক্ত পেঞ্চন নথি,
- ৩) পাৰপত্ৰ,
- ৪) গাড়ী চালনাৰ অনুজ্ঞাপত্ৰ,
- ৫) বেংক, ডাক ঘৰে প্ৰদান কৰা ফটো সম্বলিত পাচবুক,
- ৬) আধাৰ কাৰ্ড,
- ৭) চৰকাৰী আৰু ৰাজহুৱা খণ্ডৰ প্ৰতিষ্ঠান, পাব্লিক লিমিটেড কোম্পানীয়ে প্ৰদান কৰা সেৱা পৰিচয় পত্ৰ,
- ৮) শ্ৰম মন্ত্ৰালয়ৰ আঁচনিৰ অধীনত প্ৰদান কৰা স্বাস্থ্য বীমা স্মাৰ্ট কাৰ্ড,
- ৯) পান কাৰ্ড,
- ১০) এনৰেগা জব কাৰ্ড,
- ১১) ৰাষ্ট্ৰীয় জনসংখ্যা পঞ্জীয়নৰ অধীনত ভাৰতৰ মহা পঞ্জীয়কে প্ৰদান কৰা স্মাৰ্ট কাৰ্ড আৰু
- ১২) সাংসদ/ বিধায়ক/ বিধান পৰিষদৰ সদস্য সকলক প্ৰদান কৰা চৰকাৰী পৰিচয় পত্ৰ ।
উল্লেখযোগ্য যে পুৱা ৭ বজাৰ পৰা বিয়লি ৫ বজালৈকে ভোট গ্ৰহণ অনুষ্ঠিত হ'ব আৰু আয়োগে সকলো মণ্ডল (Zonal) বিষয়া, ক্ষেত্ৰ (Sector) বিষয়া, প্ৰিজাইডিং বিষয়া, পুলিং বিষয়াক এই সন্দৰ্ভত সঠিক ৰূপত ৰূপায়ণ কৰিবলৈ নিৰ্দেশ দিছে ।
