বিশ্বনাথ ২৮ অক্টোবৰঃ বিশ্বনাথ বন্য প্ৰাণী সংমণ্ডলৰ বিশ্বনাথঘাটস্থিত কেন্দ্ৰীয় বনাঞ্চলিক কাৰ্যালয়ৰ বন বিষয়া ইকবাল হুছেইন,বিট অফিচাৰ মাধুৰ্য শইকীয়াসহ এছ.আৰ.পি.এফ. জোৱানৰ এটা দলে এক গোপন সুত্ৰৰ পম খেদি পুৱা বিহপুখুৰীত অভিযান চলাই ৷
অভিযান কালত দলটোৱে তিনিজনকৈ চোৰাং চিকাৰী ক্ৰমে যুধিষ্ঠিৰ তাঁতি (জিনজিয়া),বুলেট মুণ্ডা (বৰঝাৰণি) সুভাষ মিৰ্ধা (বৰঝাৰণি)ক নাহৰফুটুকীৰ ছালসহ অংগ-প্ৰত্যংগ সমূহ বিক্ৰী কৰিবলৈ নিয়াৰ সময়ত হাতে লোটে আটক কৰে ৷ লগতে AS-12W-1840 নম্বৰৰ এখন য়ামাহা বাইকো জব্দ কৰে। সম্প্ৰতি বন বিভাগে সমগ্ৰ ঘটনাৰ সৰ্ন্দভত তদন্ত অব্যাহত ৰাখিছে বুলি জানিব পৰা গৈছে ৷
লগতে পঢ়কঃ পূৰ্বতকৈ পলমকৈ অনুষ্ঠিত হ'ব হাইস্কুল শিক্ষান্ত পৰীক্ষা
