জনীয়া , 30 মে': বৰপেটা জিলাৰ মন্দিয়াত বৃহস্পতিবাৰে এক ভয়ংকৰ পথ দূৰ্ঘটনা সংঘটিত হয় ৷ ট্ৰাকৰ খুন্দাত মন্দিয়া গ্লো'বেল একাডেমীৰ এগৰাকী ছাত্ৰী মৃত্যু ৷
বৰপেটাৰ মন্দিয়াত ট্ৰাকৰ খুন্দাত ছাত্ৰীৰ মৃত্যু
নিহত ছাত্ৰী গৰাকী গ্লো'বেল একাডেমিৰ উচ্চ মাধ্যমিকৰ ছাত্ৰী খাদিজা খাতুন বুলি চিনাক্ত কৰা হয় ৷ জানিব পৰা মতে, ছাত্ৰী গৰাকীয়ে পুৱা স্কুললৈ আহি থকা সময়ত AS-25-C -6500 নম্বৰৰ এখন ট্ৰাকে খাদিজা খাতুনক খুন্দা মাৰে ৷ ফলত ছাত্ৰী গৰাকীৰ থিতাতে মৃত্যু হয় ৷ ইপিনে খাদিজাৰ মৃত্যুৰ বাবে স্কুলৰ ছাত্ৰ-ছাত্ৰী সকলৰ লগতে ছাত্ৰ মুক্তি আৰু কৃষক মুক্তি সংগ্ৰাম সমিতিয়ে পথ অৱৰোধ কৰি দোষীক উচিত শাস্তি দিবৰ বাবে প্ৰতিবাদ সাব্যস্ত কৰে ৷ ইয়াৰোপৰিও পৰিয়ালবৰ্গক 20 লাখ টকাৰ ক্ষতিপুৰণ দিবৰ বাবেও দাবী জনায় ৷
