জনীয়া, 16 অক্টোবৰ : কলগাছিয়া আৰক্ষী থানাৰ অন্তৰ্গত দাৱনদিয়া গাঁওত সংঘটিত হয় ভয়াৱহ অগ্নিকাণ্ড । সাংবাদিক মফিদুল ইছলাম আৰু আব্দুছ ছামাদ নামৰ এজন ব্যক্তিৰ ঘৰত সংঘটিত হয় অগ্নিকাণ্ড । অগ্নিকাণ্ডটোৰ ফলত এটা ঘৰ সম্পূৰ্ণৰূপে ভস্মীভূত হোৱাৰ লগতে ক্ষতি হয় প্ৰায় চাৰি লাখ টকাৰ টেন্ট হাউচৰ সা-সম্পত্তি ।
আনহাতে ঘটনাৰ ফলত কথমপি ৰক্ষা পৰে আন কেইবাটাও ঘৰ । ঘৰৰ ভিতৰত আছিল টেণ্ট হাউছৰ সম্পূৰ্ণ সামগ্ৰী । অগ্নিকাণ্ডৰ ফলত সামগ্ৰীসমূহ বেয়াকৈ ক্ষতিগ্ৰস্ত । বিদ্যুৎ চৰ্ট চাৰ্কিটৰ ফলতেই অগ্নিকাণ্ড সংঘটিত হোৱা বুলি সন্দেহ কৰিছে স্থানীয় ৰাইজে । স্থানীয় ৰাইজ আৰু কলগাছিয়া অগ্নিনিৰ্বাপক বাহিনীৰ তৎপৰতাত ইতিমধ্যে জুই নিৰ্বাপন কৰিবলৈ সক্ষম হৈছে ।
অগ্নিকাণ্ডৰ কৱলত সাংবাদিক মফিদুল ইছলামৰ বাসগৃহ
লগতে পঢ়ক : গ্ৰেপ্তাৰ হ'ল আৰক্ষী অধীক্ষক কুমাৰ সঞ্জিৎ কৃষ্ণ
